Kollam Thevalakkara: Mithun's funeral held in his hometown

**കൊല്ലം◾:** തേവലക്കര ബോയ്സ് സ്കൂളിൽ ഷോക്കേറ്റ് മരിച്ച എട്ടാംക്ലാസുകാരൻ മിഥുന്റെ ഭൗതികശരീരം ജന്മനാട്ടിൽ സംസ്കരിച്ചു. നിരവധി ആളുകൾ മിഥുനെ അവസാനമായി ഒരുനോക്ക് കാണാനായി എത്തിച്ചേർന്നു. ഉറ്റവരും ബന്ധുക്കളും കണ്ണീരോടെയാണ് മിഥുന് യാത്രാമൊഴി നൽകിയത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ശാസ്താംകോട്ട താലൂക്ക് ആശുപത്രിയിൽ നിന്ന് വിലാപയാത്രയായി എത്തിച്ച ഭൗതികശരീരം പിന്നീട് സ്കൂളിലേക്ക് കൊണ്ടുപോയിരുന്നു. അവിടെ അധ്യാപകരും കൂട്ടുകാരും അവനെ അവസാനമായി കണ്ടപ്പോൾ ദുഃഖം സഹിക്കാനാവാതെ വിങ്ങിപ്പൊട്ടി. തുടർന്ന് വീട്ടിലെ ചടങ്ങുകൾക്ക് ശേഷം വൈകുന്നേരം വീട്ടുവളപ്പിൽവെച്ച് മിഥുന്റെ സംസ്കാരം നടത്തി.

മിഥുന്റെ അനുജൻ ചിതയ്ക്ക് തീകൊളുത്തി. വിളന്തറയിലെ വീട്ടുവളപ്പിലാണ് സംസ്കാരം നടന്നത്. റോഡിന്റെ ഇരുവശങ്ങളിലും വൻ ജനാവലിയാണ് കണ്ണീരോടെ കാത്തുനിന്നത്.

സ്കൂളിലെ കെട്ടിടത്തിന് മുകളിൽ വീണ ചെരിപ്പെടുക്കാൻ ശ്രമിക്കുന്നതിനിടെയാണ് എട്ടാം ക്ലാസ് വിദ്യാർത്ഥിയായ മിഥുൻ (13) ഷോക്കേറ്റ് മരിച്ചത്. മണിക്കൂറുകൾ നീണ്ട വിലാപയാത്രയ്ക്ക് ഒടുവിൽ മൃതദേഹം വീട്ടിലെത്തിയപ്പോൾ പ്രിയപ്പെട്ടവരെല്ലാം അവിടെയുണ്ടായിരുന്നു.

Kollam Thevalakkara Mithun’s body cremated

തേവലക്കര ബോയ്സ് സ്കൂളിൽ വിദ്യാർത്ഥി ഷോക്കേറ്റ് മരിച്ച സംഭവം: പ്രധാനാധ്യാപികയെ സസ്പെൻഡ് ചെയ്യും

Story Highlights: കൊല്ലം തേവലക്കരയിൽ ഷോക്കേറ്റ് മരിച്ച മിഥുന്റെ ഭൗതികശരീരം ജന്മനാട്ടിൽ സംസ്കരിച്ചു.

മിഥുന്റെ കുടുംബത്തെ സർക്കാർ സംരക്ഷിക്കണം: രമേശ് ചെന്നിത്തല