KSRTC Driver Assaulted in Thiruvananthapuram Over Road Dispute

തിരുവനന്തപുരം ആര്യനാട് ഡിപ്പോയിലെ കെഎസ്ആർടിസി ഡ്രൈവർ മൻസൂറിന് ക്രൂരമായ മർദ്ദനമേറ്റു. വാഹനത്തിന് സൈഡ് കൊടുത്തില്ലെന്ന ആരോപണത്തിന്റെ പേരിൽ പിക്കപ്പ് വാൻ ഡ്രൈവറായ നൗഫൽ ആണ് ബസ് തടഞ്ഞുനിർത്തി മൻസൂറിനെ ആക്രമിച്ചത്. സംഭവത്തിൽ ആര്യനാട് കെഎസ്ആർടിസി അധികൃതർ പൊലീസിൽ പരാതി നൽകിയിട്ടുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മൻസൂറിന്റെ വിശദീകരണം അനുസരിച്ച്, മുന്നിൽ കയറ്റമായിരുന്നതിനാൽ അപകടസാധ്യത കൂടുതലുണ്ടായിരുന്നു. നേരെ കൈകാണിച്ചിട്ടും പിക്കപ്പ് നിർത്തിയില്ല. പിന്നീട് പിക്കപ്പ് ഡ്രൈവർ വാഹനം തട്ടിയെന്ന് ആരോപിച്ച് ദേഷ്യപ്പെടുകയും യാതൊരു പ്രകോപനവുമില്ലാതെ മർദിക്കുകയും അസഭ്യം പറയുകയും ചെയ്തു.

പിക്കപ്പ് വാഹനത്തിൽ രണ്ടുപേർ ഉണ്ടായിരുന്നതായി മൻസൂർ പറഞ്ഞു. ആക്രമണത്തിൽ ഗുരുതരമായി പരുക്കേറ്റ മൻസൂറിനെ മെഡിക്കൽ കോളേജിൽ പ്രവേശിപ്പിച്ചിരിക്കുകയാണ്. മൂക്കിനും പുറംഭാഗത്തും സാരമായി പരുക്കേറ്റിട്ടുണ്ട്.

ഈ സംഭവം കെഎസ്ആർടിസി ജീവനക്കാർക്കിടയിൽ വലിയ ആശങ്ക സൃഷ്ടിച്ചിട്ടുണ്ട്. റോഡിലെ അക്രമങ്ങൾ തടയാൻ കർശന നടപടികൾ സ്വീകരിക്കണമെന്ന് അധികൃതരോട് ആവശ്യപ്പെട്ടിട്ടുണ്ട്.

ആശാ വർക്കർമാരുടെ സമരം 48-ാം ദിവസത്തിലേക്ക്; പ്രതിഷേധം കടുപ്പിക്കാൻ തീരുമാനം

Story Highlights: KSRTC driver brutally assaulted by pickup van driver in Thiruvananthapuram over alleged failure to give way

കഞ്ചാവ് പിടികൂടുന്നതിനിടെ പൊലീസുകാരന് കുത്തേറ്റു