തിങ്കളാഴ്ച നടത്താനിരുന്ന പ്ലസ് വണ്‍ പരീക്ഷ സ്‌റ്റേ ചെയ്ത് സുപ്രീംകോടതി. സംസ്ഥാനത്തെ കോവിഡ് സാഹചര്യം കണക്കിലെടുത്തതാണ് സുപ്രീംകോടതിയുടെ തീരുമാനം. ഒരാഴ്ചത്തേക്കാണ് പരീക്ഷ സ്‌റ്റേ ചെയ്തിരിക്കുന്നത്. പരീക്ഷ തിങ്കളാഴ്ച മുതൽ ആരംഭിക്കുന്നതിനായി സർക്കാർ ഒരുക്കങ്ങങ്ങൾ നടത്തവെയാണ് സുപ്രീംകോടതിയുടെ ഉത്തരവ്.
കോവിഡ് സാഹചര്യത്തില്‍ എസ്.എസ്.എല്‍.സി പരീക്ഷയും പ്ലസ്ടു പരീക്ഷയും വിജയകരമായി നടത്തിയെന്ന് കോടതിയില്‍ സര്‍ക്കാര്‍ വ്യക്തമാക്കി. എന്നാൽ സംസ്ഥാനത്തെ കോവിഡ് സാഹചര്യം ഇപ്പോൾ ഭീതിജനകമാണെന്നും ഇത് കണക്കിലെടുക്കാതെയാണ് പരീക്ഷ നടത്താന്‍ തീരുമാനിച്ചതെന്നും കോടതി അറിയിച്ചു.
പരീക്ഷ സെപ്തംബര്‍ 13 വരെ നിര്‍ത്തിവെക്കണമെന്നും കേസ് വീണ്ടും 13 നു പരിഗണിക്കാമെന്നുമാണ് കോടതിയുടെ നിർദേശം. പരീക്ഷയുടെ നടത്തിപ്പ് സംബന്ധിച്ച പുതിയ മാര്‍ഗനിര്‍ദേശം ഒരാഴ്ചക്കുള്ളില്‍ പുറത്തിറക്കുമെന്ന് കോടതിയെ സർക്കാർ അറിയിച്ചിട്ടുണ്ട്.
Story highlight : The Supreme Court has stayed Plus One examination.
