Kerala's Mullaperiyar Dam Safety Inspection Demand Accepted

കേന്ദ്ര ജലക്കമ്മീഷന്റെ തീരുമാനത്തെ പ്രശംസിച്ച് ജലവിഭവ വകുപ്പ് മന്ത്രി റോഷി അഗസ്റ്റിന് രംഗത്തെത്തി. മുല്ലപ്പെരിയാറിൽ സുരക്ഷാ പരിശോധന നടത്തണമെന്ന കേരളത്തിന്റെ ആവശ്യം അംഗീകരിച്ച കമ്മീഷന്റെ നിലപാട് കേരളത്തിന്റെ ആവശ്യം ന്യായമാണെന്ന് തെളിയിക്കുന്നതാണെന്ന് മന്ത്രി അഭിപ്രായപ്പെട്ടു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കേരളത്തിന് സുരക്ഷയും തമിഴ്നാടിന് ജലവും എന്നതാണ് കേരളത്തിന്റെ നയമെന്നും അദ്ദേഹം വ്യക്തമാക്കി. അണക്കെട്ടിന്റെ ഘടനാപരമായ സുരക്ഷ, ഭൂകമ്പ പ്രതിരോധ സുരക്ഷ, പ്രളയ സുരക്ഷ, ഓപ്പറേഷണല് സുരക്ഷ എന്നിവ ഉൾപ്പെടുന്ന സമഗ്രമായ സുരക്ഷാ പരിശോധനയാണ് കേരളം നിരന്തരം ആവശ്യപ്പെട്ടിരുന്നത്.

12 മാസത്തിനുള്ളില് പരിശോധന പൂര്ത്തിയാക്കി റിപ്പോര്ട്ട് സമര്പ്പിക്കാനാണ് സമിതി ആവശ്യപ്പെട്ടിരിക്കുന്നത്. കേരളത്തിലെ മാറിയ കാലാവസ്ഥാ സാഹചര്യം സമിതിയെ ബോധ്യപ്പെടുത്തുന്നതില് കേരളത്തെ പ്രതിനിധീകരിച്ച ഉദ്യോഗസ്ഥര് വിജയിച്ചുവെന്നും മന്ത്രി കൂട്ടിച്ചേർത്തു.

2011-ന് ശേഷം ആദ്യമായാണ് ഇത്തരമൊരു പരിശോധന നടക്കുന്നത്. സ്വതന്ത്ര വിദഗ്ദന്മാര് ഉള്പ്പെടുന്ന സമിതിയാണ് പരിശോധന നടത്തുക.

കേരളം അതിദാരിദ്ര്യമില്ലാത്ത നാടായി മാറിയെന്ന് യുഎഇ മന്ത്രിയുടെ പ്രശംസ

2021-ലെ ഡാം സുരക്ഷാ നിയമ പ്രകാരം 2026-ല് മാത്രം പരിശോധന നടത്തിയാല് മതിയെന്ന തമിഴ്നാടിന്റെ വാദം തള്ളിയാണ് കമ്മിറ്റി ഈ തീരുമാനമെടുത്തത്. സുരക്ഷാ പരിശോധനകളില് എന്തെങ്കിലും പ്രശ്നങ്ങൾ കണ്ടെത്തിയാൽ സുപ്രീം കോടതിയില് നടക്കുന്ന കേസില് കേരളത്തിന്റെ വാദത്തിന് ബലം വര്ധിക്കുമെന്നും മന്ത്രി റോഷി അഗസ്റ്റിന് അഭിപ്രായപ്പെട്ടു.

Story Highlights: Kerala’s demand for Mullaperiyar safety inspection accepted by Central Water Commission

ശബരിമലയിൽ തീർത്ഥാടന ഒരുക്കങ്ങൾ എങ്ങുമെത്തിയില്ല; അടിസ്ഥാന സൗകര്യങ്ങൾ പോലുമില്ലെന്ന് പരാതി