Actor Siddique Seeks Anticipatory Bail in Sexual Assault Case

ലൈംഗികാരോപണ കേസിൽ നടൻ സിദ്ദിഖ് ഹൈക്കോടതിയിൽ മുൻകൂർ ജാമ്യാപേക്ഷ സമർപ്പിച്ചു. യുവ നടിയുടെ ആരോപണം അടിസ്ഥാനരഹിതവും നിലനിൽക്കാത്തതുമാണെന്ന് സിദ്ദിഖ് ഹർജിയിൽ വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പരാതിക്കാരിയുടെ മൊഴിയിൽ വ്യക്തതയില്ലെന്നും, സംഭവ തീയതി അറിയില്ലെന്ന നടിയുടെ വാദം സംശയാസ്പദമാണെന്നും അദ്ദേഹം ചൂണ്ടിക്കാട്ടി. ബലാത്സംഗം നടന്നുവെന്ന ആരോപണം തെറ്റാണെന്നും സിദ്ദിഖ് ജാമ്യാപേക്ഷയിൽ വ്യക്തമാക്കി.

പരാതിക്കാരി സാധാരണക്കാരിയല്ലെന്നും അവർക്ക് മറ്റൊരു മുഖമുണ്ടെന്നും സിദ്ദിഖ് അപേക്ഷയിൽ പറഞ്ഞു. നടിയുടെ മൊഴി സൂക്ഷ്മമായി തയ്യാറാക്കിയതാണെന്നും, മാനസിക വിഷമം മൂലമാണ് പരാതി നൽകാൻ വൈകിയതെന്ന വാദം സാമൂഹിക മാധ്യമങ്ങളിലെ അവരുടെ നിലപാടുകൾ വെച്ച് വിശ്വസനീയമല്ലെന്നും അദ്ദേഹം കൂട്ടിച്ചേർത്തു.

പരാതിക്കാരിയുടെ നിലപാടുകളിലും പ്രസ്താവനകളിലും മൊഴിയിലും വൈരുദ്ധ്യമുണ്ടെന്ന് സിദ്ദിഖ് ചൂണ്ടിക്കാട്ടി. പരാതി നൽകാൻ ഇത്രയും വൈകിയതിന്റെ കാരണം ഇതുവരെ വ്യക്തമാക്കാൻ നടിക്ക് കഴിഞ്ഞിട്ടില്ലെന്നും, മാധ്യമങ്ങളിലൂടെ നടത്തുന്നത് വ്യാജ പ്രചാരണമാണെന്നും അദ്ദേഹം ആരോപിച്ചു.

ഹാൽ സിനിമ: സെൻസർ ബോർഡിനെതിരെ ഹൈക്കോടതി വിധി

ഈ ജാമ്യാപേക്ഷ ഹൈക്കോടതി നാളെ പരിഗണിക്കും.

Story Highlights: Actor Siddique files anticipatory bail plea in sexual assault case, claims allegations are baseless

മമ്മൂട്ടി കമ്പനിയുടെ ആദ്യ ഹ്രസ്വചിത്രം ‘ആരോ’ യൂട്യൂബിൽ റിലീസ് ചെയ്തു