Thamarassery Student Death: Five in Custody

താമരശ്ശേരിയിൽ പത്താം ക്ലാസ് വിദ്യാർത്ഥി മുഹമ്മദ് ഷഹബാസ് മരിച്ച സംഭവത്തിൽ അഞ്ച് പ്രതികളെ കസ്റ്റഡിയിലെടുത്തതായി കോഴിക്കോട് റൂറൽ എസ്പി കെഇ ബൈജു അറിയിച്ചു. ട്യൂഷൻ സെന്ററിലെ ഫെയർവെൽ പാർട്ടിയുമായി ബന്ധപ്പെട്ട തർക്കമാണ് സംഘർഷത്തിലും തുടർന്നുള്ള മരണത്തിലും കലാശിച്ചത്. പ്രതികളെ ജുവനൈൽ ജസ്റ്റിസ് ബോർഡിൽ ഹാജരാക്കിയെങ്കിലും, കുട്ടിയുടെ അത്യാസന്ന നില ബോർഡിനെ ബോധ്യപ്പെടുത്താനാവാതെ വന്നതിനാൽ അവരെ വിട്ടയച്ചു. കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിലായിരുന്ന ഷഹബാസ് ഇന്നലെ രാത്രി 12.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

30ഓടെയാണ് മരണപ്പെട്ടത്. തലച്ചോറിന് 70% ക്ഷതമേറ്റ കുട്ടി കോമയിലായിരുന്നു. ആയുധം ഉപയോഗിച്ചുള്ള ആക്രമണമാണ് മരണകാരണമെന്നും പോലീസ് വ്യക്തമാക്കി. സംഭവത്തിൽ ഗുഢാലോചന നടന്നിട്ടുണ്ടോ എന്നും മുതിർന്നവർ ഉൾപ്പെട്ടിട്ടുണ്ടോ എന്നും അന്വേഷിക്കുമെന്ന് എസ്പി അറിയിച്ചു.

മുതിർന്നവരുടെ പങ്കാളിത്തം കണ്ടെത്തിയാൽ അവരെയും പ്രതി ചേർക്കുമെന്ന് അദ്ദേഹം പറഞ്ഞു. പ്രതികളുടെ വീടുകളിൽ പരിശോധന നടത്തിയിട്ടുണ്ട്. പോലീസ് നിയമപരമായി ചെയ്യാവുന്നതെല്ലാം ചെയ്യുമെന്ന് എസ്പി കെഇ ബൈജു ട്വന്റിഫോറിനോട് പറഞ്ഞു. കുട്ടികൾ നിയമലംഘനം നടത്തിയെന്നും അദ്ദേഹം കൂട്ടിച്ചേർത്തു.

ഇന്ന് രാവിലെ 11 മണിക്ക് പ്രതികൾ വീണ്ടും ജുവനൈൽ ജസ്റ്റിസ് ബോർഡിൽ ഹാജരാകും. ട്യൂഷൻ സെന്ററിലെ വിദ്യാർത്ഥിയല്ലാതിരുന്ന ഷഹബാസിനെ കൂട്ടുകാർ കൂട്ടിക്കൊണ്ടുപോയതായിരുന്നു. സംഘർഷത്തിനിടെ ഷഹബാസിന് ഗുരുതരമായി പരിക്കേറ്റു. സംഭവത്തിൽ കൂടുതൽ പേരെ കസ്റ്റഡിയിലെടുക്കുമെന്നും പോലീസ് അറിയിച്ചു.

വഖഫ് നിയമ ഭേദഗതി: സുപ്രീംകോടതി ഇടക്കാല ഉത്തരവ് സ്വാഗതം ചെയ്ത് വിജയ്

മുഹമ്മദ് ഷഹബാസിനെ മർദ്ദിക്കുന്ന സിസിടിവി ദൃശ്യങ്ങൾ പുറത്തുവന്നിട്ടുണ്ട്. കേസിന്റെ ഗൗരവം ജുവനൈൽ ജസ്റ്റിസ് ബോർഡിനെ അറിയിച്ചിട്ടുണ്ടെന്നും ബാക്കി തീരുമാനങ്ങൾ ഇന്ന് ബോർഡ് എടുക്കുമെന്നും എസ്പി പറഞ്ഞു. താമരശ്ശേരി ചുങ്കം പാലോറക്കുന്നിലെ മുഹമ്മദ് ഷഹബാസാണ് മരിച്ചത്.

Story Highlights: A tenth-grade student died in Thamarassery after a clash with fellow students.

വ്യാജ ട്രേഡിംഗ് ആപ്പ് വഴി 1.25 കോടി രൂപ തട്ടിപ്പ്: ഡോക്ടറും വീട്ടമ്മയും ഇരകൾ