ടെക്സസ് മിന്നൽ പ്രളയം: 51 മരണം, 15 കുട്ടികൾ; കാണാതായവർക്കായി തിരച്ചിൽ

ടെക്സസ്◾: അമേരിക്കയിലെ ടെക്സസിലുണ്ടായ മിന്നൽ പ്രളയത്തിൽ 15 കുട്ടികൾ ഉൾപ്പെടെ 51 പേർ മരിച്ചു. സമ്മർ ക്യാമ്പിൽ നിന്ന് കാണാതായ 27 കുട്ടികൾക്കായി തിരച്ചിൽ തുടരുകയാണ്. ഈ ദുരന്തത്തിൽ അടിയന്തര സഹായം നൽകാൻ സർക്കാർ പ്രാദേശിക ഭരണകൂടങ്ങളുമായി ചേർന്ന് പ്രവർത്തിക്കുകയാണെന്ന് പ്രസിഡന്റ് ഡോണൾഡ് ട്രംപ് അറിയിച്ചു. കാലാവസ്ഥാ നിരീക്ഷകർ ഈ വാരാന്ത്യത്തിൽ കൂടുതൽ വെള്ളപ്പൊക്കത്തിന് സാധ്യതയുണ്ടെന്ന് മുന്നറിയിപ്പ് നൽകിയിട്ടുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ടെക്സസ് ഗവർണർ തുടർച്ചയായ തിരച്ചിൽ നടത്താൻ നിർദ്ദേശം നൽകി. ടെക്സസ് സംസ്ഥാനവും ട്രംപ് ഭരണകൂടവും സംയുക്തമായാണ് രക്ഷാപ്രവർത്തനങ്ങൾക്ക് നേതൃത്വം നൽകുന്നത്. കാണാതായവരെ കണ്ടെത്തുന്നതിനായി രക്ഷാപ്രവർത്തകർ ഊർജ്ജിതമായി ശ്രമം തുടരുകയാണ്.

ഏകദേശം 27 ഓളം ആളുകളെയാണ് ഇനി കണ്ടെത്താനുള്ളത്. അവരിൽ കൂടുതലും പെൺകുട്ടികളാണ്. 850 ഓളം പേരെ ഇതിനോടകം രക്ഷപ്പെടുത്തിയിട്ടുണ്ട് എന്ന് ടെക്സസ് സംസ്ഥാനം അറിയിച്ചു. രക്ഷാപ്രവർത്തനം പൂർത്തിയാകുമ്പോൾ, ആളുകൾക്ക് ഒത്തുചേരാനായി കാൽഗറി ടെമ്പിൾ ചർച്ച് ഒരു റീയൂണിഫിക്കേഷൻ സെന്റർ തുറന്നിട്ടുണ്ട്. കുട്ടികളുടെ മാതാപിതാക്കൾ ഉൾപ്പെടെ നിരവധിപേർ ഇവിടെയുണ്ട്.

അടിയന്തര സാഹചര്യം നേരിടാൻ സാധ്യമായ എല്ലാ സഹായവും നൽകുമെന്ന് യുഎസ് ഹോംലാൻഡ് സെക്യൂരിറ്റി സെക്രട്ടറി ക്രിസ്റ്റി നോം അറിയിച്ചു. ടെക്സസ് സംസ്ഥാനം ഫെഡറൽ ഡിസാസ്റ്റർ ഡിക്ലറേഷൻ പ്രഖ്യാപിച്ചു. ഇത് അംഗീകരിക്കാമെന്ന് ട്രംപ് ഭരണകൂടം അറിയിച്ചിട്ടുണ്ട്. ഇതേ പ്രദേശത്ത് തന്നെ വീണ്ടും 10 ഇഞ്ച് വരെ മഴ പെയ്യാൻ സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി.

ടെക്സസിൽ മിന്നൽ പ്രളയം; 24 മരണം, 23 പെൺകുട്ടികളെ കാണാനില്ല

ഡോണൾഡ് ട്രംപ് ഭരണകൂടം എല്ലാവിധ പിന്തുണയും അറിയിച്ചിട്ടുണ്ട്. രക്ഷാപ്രവർത്തനങ്ങൾ ഏകോപിപ്പിക്കുന്നതിന് ആവശ്യമായ നടപടികൾ സ്വീകരിച്ചു വരികയാണ്. മേഖലയിൽ വീണ്ടും വെള്ളപ്പൊക്കത്തിന് സാധ്യതയുണ്ടെന്ന മുന്നറിയിപ്പ് അധികൃതർ നൽകിയിട്ടുണ്ട്.

രക്ഷാപ്രവർത്തനം ഇപ്പോഴും പുരോഗമിക്കുകയാണ്. ദുരിതബാധിതർക്ക് ആവശ്യമായ സഹായം എത്തിക്കാൻ സർക്കാർ പ്രതിജ്ഞാബദ്ധമാണെന്നും അധികൃതർ അറിയിച്ചു.

Story Highlights : Texas flooding latest: 43 dead, including 15 children

ടെക്സസിൽ മിന്നൽ പ്രളയം; 24 മരണം, 23 പെൺകുട്ടികളെ കാണാനില്ല