സഹപ്രവർത്തകയെ ലൈംഗികമായി പീഡിപ്പിച്ച കേസിൽ പ്രശസ്ത തെലുങ്ക് നൃത്തസംവിധായകൻ ഷൈഖ് ജാനി ബാഷ എന്ന ജാനി മാസ്റ്റർ അറസ്റ്റിലായി. ഇരുപത്തിയൊന്നുകാരിയായ സഹപ്രവർത്തകയുടെ പരാതിയിലാണ് നടപടി സ്വീകരിച്ചത്. യുവതി ആരോപിച്ചത് അനുസരിച്ച്, സിനിമ ചിത്രീകരണത്തിനിടെ ചെന്നൈ, മുംബൈ, ഹൈദരാബാദ് തുടങ്ങിയ സ്ഥലങ്ങളിൽ വെച്ച് താൻ പീഡനത്തിനിരയായെന്നാണ്.
ഈ മാസം 16-നാണ് ജാനി മാസ്റ്റർക്കെതിരെ യുവതി ലൈംഗിക പീഡനാരോപണവുമായി രംഗത്തെത്തിയത്. പരാതിയിൽ, ലൈംഗികാതിക്രമം നടക്കുമ്പോൾ തനിക്ക് 16 വയസ് മാത്രമായിരുന്നു പ്രായമെന്നും യുവതി വ്യക്തമാക്കി. ഇതിനെ തുടർന്ന് പൊലീസ് പോക്സോ കേസ് രജിസ്റ്റർ ചെയ്തു.
യുവതിയുടെ പരാതിക്കു പിന്നാലെ ജാനി മാസ്റ്റർ ഒളിവിൽ പോയിരുന്നു. എന്നാൽ വ്യാഴാഴ്ച ഗോവയിൽ വെച്ച് സൈബരാബാദ് സ്പെഷ്യൽ ഓപ്പറേഷൻസ് ടീം ഇയാളെ പിടികൂടി. ഈ കേസിൽ കൂടുതൽ അന്വേഷണം നടന്നുവരികയാണ്.
Story Highlights: Famous Telugu dance choreographer Jani Master arrested for sexually assaulting co-worker, POCSO case filed
