രാഷ്ട്രീയകാര്യ സമിതിയിൽ നിന്നും പിന്നാലെ എഐസിസി അംഗത്വത്തിൽ നിന്നും മുതിർന്ന കോൺഗ്രസ് നേതാവ് വി എം സുധീരൻ രാജിവച്ചത് കോൺഗ്രസിന് നിരാശയുണ്ടാക്കിക്കൊണ്ടിരിക്കുകയാണ്.
വി എം സുധീരനെ അനുനയിപ്പിക്കാനുള്ളനേതൃത്വത്തിന്റെ നീക്കങ്ങൾ തുടരുകയാണ്. ഇന്ന് വൈകീട്ട് നാല് മണിക്ക് എഐസിസി ജനറൽ സെക്രട്ടറി താരിഖ് അൻവർ വി എം സുധീരനുമായി കൂടിക്കാഴ്ച നടത്തും.
കേരളത്തിലെ വിഷയങ്ങൾ ശ്രദ്ധയിൽപ്പെടുത്തിയിട്ടും ഹൈക്കമാൻഡിന്റെ ഭാഗത്തു നിന്നും നടപടികൾ ഉണ്ടായിട്ടില്ലെന്നാണ് ആക്ഷേപം. സംസ്ഥാന നേതൃത്വം കൂടിയാലോചനകൾ നടത്തുന്നില്ല. നേതൃതല മാറ്റം പ്രതീക്ഷിച്ച ഗുണം ചെയ്യുന്നില്ലെന്നും നിലപാടുകൾ ഏകപക്ഷീയമാണെന്നും സുധീരൻ ഉന്നയിച്ചു.
അതേസമയം, മുതിർന്ന നേതാക്കളുടെ നിർദേശപ്രകാരം മുന്നോട്ടു പോകണമെന്നും നേതൃത്വത്തിന് സ്വതന്ത്രമായി പ്രവർത്തിക്കാൻ സാഹചര്യം ഒരുക്കണമെന്നും ഹൈക്കമാൻഡ് സംസ്ഥാന നേതൃത്വത്തിന് നിർദേശം നൽകിയിട്ടുണ്ട്.
Story highlight : Tariq Anwar will meet V M sudheeran today.
