BSP Tamil Nadu Chief K Armstrong Murdered in Chennai

ചെന്നൈയിലെ പെരമ്പൂരിൽ ബഹുജൻ സമാജ് പാർട്ടി (ബിഎസ്പി) തമിഴ്നാട് സംസ്ഥാന അധ്യക്ഷൻ കെ. ആംസ്ട്രോങ് വെട്ടിക്കൊല്ലപ്പെട്ടു. പെരമ്പൂർ സ്വദേശിയായ ആംസ്ട്രോങ്ങിനെ ബൈക്കിലെത്തിയ ആറംഗ സംഘമാണ് ആക്രമിച്ചത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ചെന്നൈ കോർപ്പറേഷനിലെ മുൻ കൗൺസിലറായിരുന്ന അദ്ദേഹത്തെ വീടിന് സമീപം വച്ചാണ് കൊലപ്പെടുത്തിയത്. വെട്ടേറ്റ് ചോരവാർന്ന നിലയിൽ ആശുപത്രിയിലേക്ക് കൊണ്ടുപോകുന്നതിനിടെ മരണം സംഭവിച്ചു. സംഭവത്തിൽ പ്രതികൾക്കായി തെരച്ചിൽ ആരംഭിച്ചതായി തമിഴ്നാട് പൊലീസ് അറിയിച്ചു.

സെംബിയം പൊലീസ് അധികാരപരിധിയിലാണ് കൊലപാതകം നടന്നത്. എഐഎഡിഎംകെ നേതാക്കളും തമിഴ്നാട് ബിജെപിയും സംഭവത്തിൽ നടുക്കം രേഖപ്പെടുത്തി. സംസ്ഥാനത്തെ ക്രമസമാധാന നില തകർന്നെന്ന് ചൂണ്ടിക്കാട്ടിയ തമിഴ്നാട് ബിജെപി നേതാവ് കെ.

അണ്ണാമലൈ, മുഖ്യമന്ത്രി എം. കെ. സ്റ്റാലിന് തുടരാൻ ധാർമികമായി ബുദ്ധിമുട്ടില്ലേയെന്ന് സ്വയം ചോദിക്കണമെന്നും ആവശ്യപ്പെട്ടു.

ഈ കൊലപാതകം തമിഴ്നാട്ടിലെ രാഷ്ട്രീയ-സാമൂഹിക അന്തരീക്ഷത്തെ സാരമായി ബാധിച്ചിരിക്കുന്നു. ഒരു പ്രമുഖ രാഷ്ട്രീയ നേതാവിന്റെ കൊലപാതകം സംസ്ഥാനത്തെ സുരക്ഷാ സ്ഥിതിയെക്കുറിച്ച് ഗുരുതരമായ ചോദ്യങ്ങൾ ഉയർത്തുന്നു. പ്രതിപക്ഷ കക്ഷികൾ സർക്കാരിനെതിരെ രൂക്ഷമായ വിമർശനം ഉന്നയിച്ചിരിക്കുന്ന സാഹചര്യത്തിൽ, സംഭവത്തിന്റെ വിശദമായ അന്വേഷണവും കുറ്റവാളികളെ നിയമത്തിന് മുന്നിൽ കൊണ്ടുവരുന്നതും അത്യാവശ്യമാണ്.

എം.വി ഗോവിന്ദൻ്റേത് തരംതാണ പ്രസ്താവന; ഗോവിന്ദൻ മാസ്റ്റർ ഗോവിന്ദച്ചാമിയാകരുത്: കത്തോലിക്കാ സഭ

വിഴുപ്പുറത്ത് പ്ലസ് വൺ വിദ്യാർത്ഥി ക്ലാസ് മുറിയിൽ കുഴഞ്ഞുവീണ് മരിച്ചു