Suresh Gopi's Waqf Controversy: Kunhalikutty Criticizes Remarks

മുനമ്പം വഖഫ് ഭൂമി വിഷയത്തില് കേന്ദ്ര മന്ത്രി സുരേഷ് ഗോപി വിവാദ പരാമര്ശവുമായി രംഗത്തെത്തി. വഖഫ് എന്നാല് നാല് അക്ഷരങ്ങളില് ഒതുങ്ങുന്ന കിരാതമെന്നും ആ ബോര്ഡിന്റെ പേര് താന് പറയില്ലെന്നും ആ കിരാതത്തെ ഒതുക്കിയിരിക്കുമെന്നും സുരേഷ് ഗോപി പറഞ്ഞു. അമിത് ഷാ അയച്ച ഒരു വീഡിയോ ഉണ്ടെന്നും അത് ഇവിടെ പ്രചരിപ്പിക്കുമെന്നും അദ്ദേഹം കൂട്ടിച്ചേര്ത്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സുരേഷ് ഗോപിയുടെ പ്രസ്താവനയ്ക്ക് മറുപടിയുമായി മുസ്ലിംലീഗ് നേതാവ് പി കെ കുഞ്ഞാലക്കുടി രംഗത്തെത്തി. ഒരു കേന്ദ്ര മന്ത്രി പറയേണ്ട വാക്കുകളല്ല സുരേഷ് ഗോപി പറഞ്ഞതെന്ന് കുഞ്ഞാലിക്കുട്ടി വിമര്ശിച്ചു. മുനമ്പത്ത് സമാധാനം കൊണ്ടു വരേണ്ടവര് കലക്കാനാണ് ശ്രമിക്കുന്നതെന്നും കേന്ദ്ര സര്ക്കാരിന്റേത് ഭിന്നിപ്പിക്കുന്ന തന്ത്രമാണെന്നും അദ്ദേഹം കുറ്റപ്പെടുത്തി.

വയനാട്ടില് ബിജെപി സ്ഥാനാര്ത്ഥി നവ്യ ഹരിദാസിന്റെ പ്രചാരണത്തില് പങ്കെടുക്കാനാണ് സുരേഷ് ഗോപി എത്തിയത്. സംസ്ഥാന സര്ക്കാരിനെതിരെയും രാഹുല്ഗാന്ധിക്കെതിരെയും അദ്ദേഹം ഗുരുതര ആരോപണങ്ങള് ഉന്നയിച്ചു. എവിടെ ചെന്നാലും ‘കലക്ക്’ ആണെന്നും ദുരന്തത്തില് ഇരയായവര്ക്ക് സഹായം നല്കാന് മുന്കൈ എടുക്കാത്തതിനെ കുറിച്ചും കുഞ്ഞാലിക്കുട്ടി ചോദ്യമുന്നയിച്ചു.