Suresh Gopi Threatens Reporter Over Waqf Remarks Question

കേന്ദ്രമന്ത്രി സുരേഷ് ഗോപി ട്വന്റിഫോർ ന്യൂസ് റിപ്പോർട്ടർ അലക്സ് റാം മോഹനോട് അപമര്യാദയായി പെരുമാറിയ സംഭവം വാർത്തയായി. തിരുവനന്തപുരത്ത് ഒരു സ്വകാര്യ പരിപാടിയിൽ ഉദ്ഘാടകനായി എത്തിയ സുരേഷ് ഗോപി, വഖഫ് പരാമർശത്തിൽ മാധ്യമങ്ങൾ പ്രതികരണം തേടിയപ്പോൾ ഒന്നും മിണ്ടാതെ കടന്നുപോവുകയായിരുന്നു. എന്നാൽ പിന്നീട് ട്വന്റിഫോർ റിപ്പോർട്ടറെ അകത്തേക്ക് വിളിച്ച് ഭീഷണിപ്പെടുത്തുകയും ധാർഷ്ട്യമായി മറുപടി നൽകുകയും ചെയ്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സുരേഷ് ഗോപി റിപ്പോർട്ടറോട് താൻ നടത്തിയ പ്രസംഗം കേട്ടിരുന്നോയെന്ന് ചോദിച്ചു. എന്നാൽ പ്രസംഗത്തെക്കുറിച്ചല്ല, അതിനോട് കോൺഗ്രസും സിപിഐഎമ്മും നടത്തിയ പ്രതികരണങ്ങളിലാണ് മറുപടി ചോദിച്ചതെന്ന് റിപ്പോർട്ടർ വ്യക്തമാക്കി. ഇതിന് പറയാൻ സൗകര്യമില്ലെന്നായിരുന്നു സുരേഷ് ഗോപിയുടെ മറുപടി. പാർലമെന്റിൽ കാണിച്ചുതാരാമെന്നും അദ്ദേഹം കൂട്ടിച്ചേർത്തു.

ഇതിനിടെ കേന്ദ്ര മന്ത്രി റിപ്പോർട്ടറുമായി സംസാരിക്കുന്നത് ഗൺമാൻ മൊബൈലിൽ പകർത്തി. മറ്റ് മാധ്യമങ്ങളെ അകത്തേക്ക് വിളിക്കുമെന്ന് റിപ്പോർട്ടർ പറഞ്ഞതോടെ മൊബൈൽ ഓഫ് ചെയ്യുകയായിരുന്നു. എന്തിനാണ് അപമര്യാദയായി പെരുമാറുന്നതെന്ന് സുരേഷ് ഗോപിയോട് ചോദിച്ചപ്പോൾ മറുപടി നൽകിയില്ല. ഈ സംഭവം മാധ്യമപ്രവർത്തകരുടെ ജോലിയെ തടസ്സപ്പെടുത്തുന്നതായി വിമർശനം ഉയർന്നിട്ടുണ്ട്.