Supreme Court Stays Allahabad HC's Controversial Rape Case Ruling

ന്യൂ ഡൽഹി: അലഹബാദ് ഹൈക്കോടതിയുടെ വിവാദ ബലാത്സംഗ കേസ് വിധി സുപ്രീം കോടതി സ്റ്റേ ചെയ്തു. ജഡ്ജിയുടെ ഭാഗത്തുനിന്നുണ്ടായ ഗുരുതരമായ അലംഭാവത്തിൽ സുപ്രീം കോടതി കടുത്ത അതൃപ്തി രേഖപ്പെടുത്തി. ജസ്റ്റിസ് ബി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ആർ. ഗവായ് അധ്യക്ഷനായ ബെഞ്ചാണ് ഉത്തരവ് പുറപ്പെടുവിച്ചത്. തുടർ നടപടികൾ സ്വീകരിക്കാൻ അലഹബാദ് ഹൈക്കോടതി ചീഫ് ജസ്റ്റിസിന് സുപ്രീം കോടതി നിർദേശം നൽകി.

സ്ത്രീകളുടെ മാറിടത്തിൽ സ്പർശിക്കുന്നതും പൈജാമയുടെ ചരട് പൊട്ടിക്കാൻ ശ്രമിക്കുന്നതും ബലാത്സംഗശ്രമത്തിന് തെളിവായി കണക്കാക്കാനാവില്ലെന്നായിരുന്നു ഹൈക്കോടതിയുടെ വിവാദ വിധി. ഈ വിധിയിലെ നിരീക്ഷണങ്ങൾ മനുഷ്യത്വരഹിതമാണെന്ന് ചൂണ്ടിക്കാട്ടിയാണ് സുപ്രീം കോടതി സ്റ്റേ ചെയ്തത്. കേന്ദ്ര സർക്കാരിനും ഉത്തർപ്രദേശ് സർക്കാരിനും കേസിലെ കക്ഷികൾക്കും സുപ്രീം കോടതി നോട്ടീസ് അയച്ചു.

ജഡ്ജിക്കെതിരെ ഇത്രയും പരുഷമായ വാക്കുകൾ ഉപയോഗിക്കേണ്ടിവന്നതിൽ ഖേദമുണ്ടെന്ന് ജസ്റ്റിസ് ഗവായ് പറഞ്ഞു. വാദം കേട്ട് നാലുമാസത്തിനു ശേഷമാണ് വിധി പ്രസ്താവിച്ചതെന്നും ഒരു നിമിഷത്തിൽ തോന്നിയ വികാരത്തിന്റെ അടിസ്ഥാനത്തിലല്ല വിധിയെന്നും സുപ്രീംകോടതി നിരീക്ഷിച്ചു. അഭിഭാഷക ശോഭ ഗുപ്ത നൽകിയ കത്തിന്റെ അടിസ്ഥാനത്തിൽ സുപ്രീംകോടതി ചീഫ് ജസ്റ്റിസിന്റെ നിർദേശപ്രകാരമാണ് കേസ് സ്വമേധയാ എടുത്തത്.

തമിഴ്നാട്ടിൽ വാഹന പരിശോധനയ്ക്കിടെ യുവതിയെ പോലീസ് ഉദ്യോഗസ്ഥർ ബലാത്സംഗം ചെയ്തു; രണ്ട് പോലീസുകാർ അറസ്റ്റിൽ

കേന്ദ്രസർക്കാരും അലഹബാദ് ഹൈക്കോടതി വിധിയെ വിമർശിച്ചിരുന്നു. അലഹബാദ് ഹൈക്കോടതി ചീഫ് ജസ്റ്റിസിന് മുമ്പാകെ സുപ്രീം കോടതി ഉത്തരവ് കൈമാറാനും ഉചിതമായ നടപടികൾ സ്വീകരിക്കാനും സുപ്രീം കോടതി നിർദേശിച്ചു. വിവാദ വിധിയിലെ പരാമർശങ്ങൾ തികഞ്ഞ അശ്രദ്ധയാണെന്നും സുപ്രീം കോടതി അഭിപ്രായപ്പെട്ടു.

Story Highlights: The Supreme Court of India stayed a controversial Allahabad High Court ruling on a rape case, expressing strong disapproval of the judge’s observations.

തിരുവണ്ണാമലയിൽ പഴം വിൽക്കാനെത്തിയ ആന്ധ്ര സ്വദേശിനിയെ പോലീസ് ഉദ്യോഗസ്ഥർ ബലാത്സംഗം ചെയ്തു