ജിജോ ആന്റണി സംവിധാനം ചെയ്ത സണ്ണി വെയ്ൻ നായകനായ ചിത്രം ‘അടിത്തട്ടിന്റെ’ പുതിയ പോസ്റ്റർ പുറത്തിറങ്ങി. സണ്ണി വെയ്നിന്റെ പിറന്നാൾ പ്രമാണിച്ചാണ് ചിത്രത്തിന്റെ ക്യാരക്ടർ പോസ്റ്റർ പുറത്തുവിട്ടത്.
സണ്ണി വെയ്ൻ ഏറെ പ്രതീക്ഷ വയ്ക്കുന്ന ചിത്രമാണ് ‘അടിത്തട്ട്’. സൂസൻ ജോസഫ് നിർമ്മിക്കുന്ന ചിത്രത്തിന്റെ ചിത്രീകരണം പൂർത്തിയായതായി സണ്ണി വെയിൻ അറിയിച്ചിരുന്നു.
മാർക്കോസ് എന്നാണ് ചിത്രത്തിൽ സണ്ണി വെയിൻ അവതരിപ്പിക്കുന്ന കഥാപാത്രത്തിന്റെ പേര്. പാപ്പിനോ ചായഗ്രഹകനായ ചിത്രത്തിന്റെ സംഗീത സംവിധാനം നിർവഹിച്ചിരിക്കുന്നത് നസീർ അഹമ്മദാണ്.
ഖായിസ് മില്ലൻ തിരക്കഥയെഴുതിയ ചിത്രത്തിന്റെ പ്രൊഡക്ഷൻ കൺട്രോളർ ദീപക് മഹേശ്വറായിരുന്നു. ചതുർമുഖം,സാറാസ്, അനുഗ്രഹീതൻ ആന്റണി എന്നിവയായിരുന്നു നടന്റെ അടുത്തിടെ റിലീസായ പുതിയ ചിത്രങ്ങൾ.
Story Highlights: Sunny Wayne’s Adithattu movie poster released.
