Sun Education Celebrates 25 Years, Launches Job Creation Initiative

തിരുവനന്തപുരം: കേരളത്തിലെ പ്രമുഖ സ്കില്ലിങ് വിദ്യാഭ്യാസ സ്ഥാപനമായ സൺ എഡ്യൂക്കേഷൻ തങ്ങളുടെ 25-ാം വാർഷികം ആഘോഷിക്കുകയും ‘നാട്ടിൽ നല്ലൊരു ജോലി നാടിന്റെ നന്മക്കായി’ എന്ന പദ്ധതി ആരംഭിക്കുകയും ചെയ്തു. ഈ പദ്ധതിയുടെ ഭാഗമായി കേരളത്തിലുടനീളം 100-ലധികം സൺ എഡ്യൂക്കേഷൻ ഫ്രാഞ്ചൈസികൾ തുടങ്ങുമെന്ന് സ്ഥാപനത്തിന്റെ മാനേജിങ് ഡയറക്ടർ ഷമീർ എ മുഹമ്മദ് വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സൺ എഡ്യൂക്കേഷൻ ഐടി കോഴ്സുകൾക്ക് പുറമേ, തൊഴിൽ സാധ്യത കൂടുതലുള്ള മോന്റീസ്സോറി ടീച്ചർ ട്രെയിനിങ്, ഹോസ്പിറ്റൽ അഡ്മിനിസ്ട്രേഷൻ, ലോജിസ്റ്റിക്സ് തുടങ്ങിയ കോഴ്സുകളും നൽകുന്നു. കൂടാതെ, മോന്റീസ്സോറി ഹോം കിറ്റും ഇവിടെ ലഭ്യമാണ്. ഇന്ത്യയിലെ ആദ്യത്തെ ഓഫ്ലൈൻ-ഓൺലൈൻ സംയോജിത വിദ്യാഭ്യാസ ബ്രാൻഡ് എന്ന നിലയിലാണ് സൺ എഡ്യൂക്കേഷൻ പ്രവർത്തിക്കുന്നത്.

600-ലധികം കമ്പനികളുമായും തൊഴിൽ വിനിമയ കേന്ദ്രങ്ങളുമായും സഹകരിച്ച് പ്രതിമാസം ജോബ് ഫെയറുകൾ സംഘടിപ്പിക്കുന്ന സൺ എഡ്യൂക്കേഷൻ, ഇതുവരെ 8 ജോബ് ഫെയറുകളിലൂടെ 2400-ലധികം ഉദ്യോഗാർത്ഥികൾക്ക് ജോലി നൽകിയിട്ടുണ്ട്. ഭാവിയിൽ ഒരു ലക്ഷം ജോലികൾ സൃഷ്ടിക്കുക എന്ന ലക്ഷ്യത്തോടെ കൂടുതൽ ശക്തമായി പ്രവർത്തിക്കുമെന്ന് സ്ഥാപനത്തിന്റെ മെന്റർ ദീപക് പടിയത്ത് അറിയിച്ചു.

തിരുവനന്തപുരത്തെ പ്രശാന്ത് ഹോട്ടലിൽ നടന്ന ചടങ്ങിൽ CII, MSME, LMS എന്നീ സർട്ടിഫിക്കറ്റുകളുടെ ലോഞ്ചിങ്ങും നടന്നു. സൺ എഡ്യൂക്കേഷന്റെ സിഇഒ രാജീവ്, എജിഎം സിബി, പിആർഒ എം.എസ്. സുനിൽ, എച്ച്.ആർ. മാനേജർ ആസിഫ് ജാൻ, അക്കാദമിക് ഹെഡ് സന്ധ്യ വിജയ്, അക്കൗണ്ട്സ് ഹെഡ് റെജി സന്തോഷ് എന്നിവർ ചടങ്ങിൽ സംസാരിച്ചു.

Story Highlights: Sun Education, Kerala’s leading skilling institute, celebrates 25th anniversary and launches new job creation initiative

ഡ്രോൺ പരിശീലനത്തിന് സർക്കാർ ഒരുങ്ങുന്നു; അടുത്ത സെന്റർ തൃശ്ശൂരിൽ ആരംഭിക്കുമെന്ന് മന്ത്രി ആർ.ബിന്ദു