Students Mistakenly Enter Excise Office for Cannabis, Arrested

തൃശൂരിലെ സ്കൂളിൽ നിന്ന് മൂന്നാറിലേക്ക് ടൂർ പോയ വിദ്യാർത്ഥികൾക്ക് അപ്രതീക്ഷിതമായ ഒരു സംഭവമാണ് ഉണ്ടായത്. കഞ്ചാവ് വലിക്കാനുള്ള വെപ്രാളത്തിൽ, അവർ എക്സൈസ് ഓഫീസിലേക്ക് കയറിപ്പോയി. അടിമാലി എക്സൈസ് എൻഫോഴ്സ്മെന്റ് സ്ക്വാഡ് ഓഫീസിന്റെ പുറകുവശത്തായിരുന്നു സംഭവം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കഞ്ചാവ് ബീഡി കത്തിക്കാൻ തീപ്പെട്ടി തേടിയാണ് വിദ്യാർത്ഥികൾ എത്തിയത്. ‘ചേട്ടാ തീപ്പെട്ടിയുണ്ടോ? ‘ എന്ന ചോദ്യവുമായി അവർ ഓഫീസിലേക്ക് കയറി.

കേസിൽ പിടിച്ച വാഹനങ്ങൾ കിടക്കുന്നതു കണ്ട് വർക്ക് ഷോപ്പ് ആണെന്ന് തെറ്റിദ്ധരിക്കുകയായിരുന്നു വിദ്യാർത്ഥികൾ. പിൻവശത്തു കൂടി കയറിയതിനാൽ ബോർഡും ശ്രദ്ധയിൽപെട്ടില്ല. എക്സൈസ് ഓഫീസ് ആണെന്ന് മനസിലായപ്പോഴേക്കും പിടി വീണു.

വിട്ടോടാ എന്നുപറഞ്ഞ് തിരിഞ്ഞോടിയെങ്കിലും രക്ഷയില്ല, കൂടെയോടിയ ഉദ്യോഗസ്ഥരെ ഈ കഞ്ചാവ് സംഘത്തിന് തോൽപ്പിക്കാനായില്ല. പിന്നീട് നടന്ന തിരച്ചിലിൽ 5 ഗ്രാം കഞ്ചാവും ഒരു ഗ്രാം ഹാഷീഷ് ഓയിലും കണ്ടെടുത്തു. അധ്യാപകരോട് ഉദ്യോഗസ്ഥർ വിവരമറിയിക്കുകയും ലഹരി കണ്ടെത്തിയ വിദ്യാർഥികൾക്കെതിരെ കേസെടുക്കുകയും ചെയ്തു.

'മതമിളകില്ല തനിക്കെന്ന് ഉറപ്പാക്കാനായാൽ മതി'; മീനാക്ഷി അനൂപിന്റെ പോസ്റ്റ് ശ്രദ്ധേയമാകുന്നു

വിദ്യാർഥികൾക്ക് കൗൺസലിങും നൽകി. ഹോട്ടൽ ആണെന്ന് കരുതി ബാർബർ ഷോപ്പിൽ കയറിയ തമാശ നമുക്ക് അറിയാം, എന്നാൽ കഞ്ചാവ് കത്തിക്കാൻ തീപ്പെട്ടി അന്വേഷിച്ച് എക്സൈസ് ഓഫീസിൽ കയറിയാലോ, എങ്ങനെയായിരിക്കും എന്ന് ഈ സംഭവം കാണിച്ചു തരുന്നു.

Story Highlights: Students on school tour mistakenly enter excise office seeking matches for cannabis, leading to their arrest

ഇടുക്കി മൂന്നാറിൽ വീണ്ടും പടയപ്പ; ആശങ്കയിൽ നാട്ടുകാർ