Steve Smith injury scare ahead of Adelaide Test against India

അഡലെയ്ഡ് ഓവലിൽ നടക്കാനിരിക്കുന്ന ബോർഡർ-ഗവാസ്കർ ട്രോഫി രണ്ടാം ടെസ്റ്റിന് മുന്നോടിയായി ഓസ്ട്രേലിയൻ ക്രിക്കറ്റ് ടീമിൽ ആശങ്ക നിലനിൽക്കുന്നു. ടീമിന്റെ സ്റ്റാർ ബാറ്റർ സ്റ്റീവ് സ്മിത്തിന് നെറ്റ് പരിശീലനത്തിനിടെ പരുക്കേറ്റതാണ് ഈ ആശങ്കയ്ക്ക് കാരണം. മാർനസ് ലബുഷാഗ്നെയുടെ പന്തിൽ സ്മിത്തിന്റെ വലതുകൈ തള്ളവിരലിനാണ് പരുക്കേറ്റത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പരുക്കേറ്റതിനെ തുടർന്ന് സ്മിത്ത് കുറച്ചു നേരത്തേക്ക് ബാറ്റിംഗ് നിർത്തി. ലബുഷാഗ്നെയുമായി സംസാരിക്കുന്നതിനിടെ വേദന അനുഭവപ്പെട്ടതോടെ ഓസ്ട്രേലിയൻ ടീമിലെ മെഡിക്കൽ സ്റ്റാഫ് അംഗം നെറ്റിലെത്തി പരിശോധന നടത്തി. തുടർന്ന് സ്മിത്ത് നെറ്റ് പരിശീലനം ഉപേക്ഷിച്ചു. എന്നാൽ കുറച്ചു സമയത്തിനു ശേഷം അദ്ദേഹം തിരിച്ചെത്തി മറ്റൊരു നെറ്റിൽ ബാറ്റിംഗ് തുടർന്നു.

ഈ സംഭവം ടെസ്റ്റിൽ സ്മിത്തിന്റെ പങ്കാളിത്തത്തെ ബാധിക്കില്ലെന്നാണ് നിലവിലെ സൂചന. പെർത്തിൽ നടന്ന ആദ്യ ടെസ്റ്റിൽ സ്മിത്തിന് മികച്ച പ്രകടനം പുറത്തെടുക്കാനായിരുന്നില്ല. ഒന്നാം ഇന്നിംഗ്സിൽ പൂജ്യത്തിനും രണ്ടാം ഇന്നിംഗ്സിൽ 17 റൺസിനും പുറത്തായ അദ്ദേഹത്തിന്റെ മോശം ഫോമിന് മാറ്റം വരുത്താൻ ഈ മത്സരത്തിൽ കഴിയുമോ എന്ന് കാത്തിരുന്നു കാണേണ്ടതുണ്ട്. ആദ്യ ടെസ്റ്റിൽ 295 റൺസിന്റെ തോൽവി ഏറ്റുവാങ്ങിയ ഓസ്ട്രേലിയ, രണ്ടാം മത്സരത്തിൽ തിരിച്ചുവരവ് ലക്ഷ്യമിടുന്നു.