Sreekumaran Thampi Suffers Stroke, Recovering Well

പ്രമുഖ കവിയും ഗാനരചയിതാവും സംവിധായകനും സംഗീത സംവിധായകനുമായ ശ്രീകുമാരന് തമ്പി തനിക്ക് പെട്ടെന്ന് പക്ഷാഘാതമുണ്ടായെന്ന് വെളിപ്പെടുത്തി. സെപ്റ്റംബര് ഒമ്പതാം തീയതി രക്തസമ്മര്ദ്ദം വളരെ കൂടിയതിനാല് ഒരു ചെറിയ സ്ട്രോക്ക് ഉണ്ടായെന്നും, തക്കസമയത്ത് ആശുപത്രിയില് എത്തിച്ചതിനാല് അത്യാപത്ത് ഒഴിവായെന്നും അദ്ദേഹം പറഞ്ഞു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഫേസ്ബുക്കില് പങ്കുവെച്ച കുറിപ്പിലൂടെയാണ് അദ്ദേഹം ഇക്കാര്യം അറിയിച്ചത്. ഒരാഴ്ചയോളം കിംസ് ഹെല്ത്ത് ഐ.

സി. യൂവില് ചികിത്സയില് ആയിരുന്നെന്നും, ഇനി ഒരു മാസത്തോളം പരിപൂര്ണ്ണവിശ്രമം ആവശ്യമാണെന്നും അദ്ദേഹം വ്യക്തമാക്കി.

തന്നെ രക്ഷിച്ച തിരുവനന്തപുരം കിംസ് ഹെല്ത്ത് ന്യൂറോളജി വിഭാഗത്തിലെ വിദഗ്ദ്ധരായ ഭിഷഗ്വരന്മാര്ക്കും പരിചരിച്ച നഴ്സുമാര്ക്കും നന്ദി പറഞ്ഞ അദ്ദേഹം, കിംസ് ഹെല്ത്തിന്റെ ചെയര്മാന് ഡോക്ടര് സഹദുള്ളയോടുള്ള കടപ്പാടും രേഖപ്പെടുത്തി. പരിപൂര്ണ വിശ്രമത്തിലായതിനാല് സഹോദരിയെപ്പോലെ കരുതിയിരുന്ന കവിയൂര് പൊന്നമ്മയുടെ മരണത്തില് പോലും ഒന്നും പ്രതികരിക്കാന് സാധിച്ചില്ലെന്ന് അദ്ദേഹം പറഞ്ഞു.

രോഹിത് വെള്ളക്കുപ്പായം അഴിച്ചു; അകലുന്നത് ടെസ്റ്റ് ക്രിക്കറ്റിലെ ‘സമാനതകളില്ലാത്ത ആക്രമണ ബാറ്റിംഗ് മുഖം’

കുറെ ദിവസങ്ങളായി മൊബൈല്, ലാപ്ടോപ്പ് എന്നിവ ഉപയോഗിക്കാത്തതിനാല് ഫോണ് കാളുകള്ക്കും ഓണ ആശംസകള് അടക്കമുള്ള മെസ്സേജുകള്ക്കും മറുപടി നല്കാന് കഴിയാത്തതില് സുഹൃത്തുക്കളും ആരാധകരും തെറ്റിദ്ധരിക്കരുതെന്ന് അഭ്യര്ത്ഥിച്ചു. തന്റെ ഇപ്പോഴത്തെ അവസ്ഥ മനസ്സിലാക്കി സഹകരിക്കാന് ബന്ധപ്പെട്ട എല്ലാവരോടും അദ്ദേഹം അഭ്യര്ത്ഥിച്ചു.

Story Highlights: Renowned poet and filmmaker Sreekumaran Thampi reveals sudden stroke, undergoing treatment and rest

കോട്ടയം-നിലമ്പൂർ ട്രെയിനിൽ രണ്ട് അധിക കോച്ചുകൾ കൂടി; ഈ മാസം 22 മുതൽ പ്രാബല്യത്തിൽ