ഷാർജ അന്താരാഷ്ട്ര പുസ്തക മേളയിൽ ‘ഹാർമണി അൺ വീൽഡ്: ശ്രീനാരായണ ഗുരൂസ് ബ്ലൂ പ്രിന്‍റ് ഫോർ വേൾഡ് പീസ് ആൻഡ് പ്രോഗ്രസ്’ എന്ന പുസ്തകത്തിന്റെ പ്രകാശനം നടന്നു. മുംബൈ സ്വദേശിയായ ഡോ. സുരേഷ് കുമാർ മധുസുദനനും പൂനെയിലെ ഡോ. പ്രകാശ് ദിവാകരനും ചേർന്നാണ് ഈ പുസ്തകം രചിച്ചത്. ശ്രീനാരായണ ഗുരുവിന്റെ സന്ദേശങ്ങളും ദർശനവും ലോക ശാന്തിക്ക് എത്രമാത്രം പ്രധാനമാണെന്ന് വ്യക്തമാക്കുന്ന ഈ കൃതി, ഗുരുവിനെ കൂടുതൽ അറിയാനും അദ്ദേഹത്തിന്റെ ആശയങ്ങൾ പ്രചരിപ്പിക്കാനും സഹായിക്കും.
ഷാർജ അന്താരാഷ്ട്ര പുസ്തകമേളയിലെ റൈറ്റേഴ്സ് ഫോറത്തിലാണ് പ്രകാശന ചടങ്ങ് നടന്നത്. ഏരീസ് ഗ്രൂപ്പ് സ്ഥാപകനും ചെയർമാനുമായ സോഹൻ റോയ്, ഇറാം ഹോൾഡിംഗ്സ് ചെയർമാൻ ഡോ. സിദ്ധിക്ക് അഹമ്മദിന് പുസ്തകം കൈമാറിയാണ് ചടങ്ങ് നിർവഹിച്ചത്. ലിപി പബ്ലിക്കേഷൻസ് ആണ് പുസ്തകത്തിന്റെ പ്രസാധകർ.
ശ്രീനാരായണ ഗുരുവിന്റെ ഏകലോക ദർശനത്തെ ലോകജനഹൃദയങ്ങളിൽ എത്തിക്കുക എന്ന മഹത്തായ ലക്ഷ്യത്തോടെയാണ് പുസ്തകത്തിന്റെ രചന നിർവഹിച്ചിരിക്കുന്നതെന്ന് രചയിതാക്കൾ വ്യക്തമാക്കി. ഗുരുവിന്റെ സന്ദേശങ്ങളും ദർശനവും ലോക ശാന്തിക്ക് എത്രമാത്രം പ്രധാനമാണെന്ന് വ്യക്തമാക്കുന്ന ഈ പുസ്തകം, അദ്ദേഹത്തിന്റെ ആശയങ്ങൾ കൂടുതൽ ജനങ്ങളിലേക്ക് എത്തിക്കാൻ സഹായിക്കും.
ALSO READ; ‘ദില്ലി ഗണേഷ് സര്‍ മികച്ച അഭിനയപാടവം കാഴ്ചവെച്ച അതുല്യ പ്രതിഭ’; അനുസ്മരിച്ച് മോഹന്‍ലാല്‍
Story Highlights: Book on Sree Narayana Guru’s teachings for world peace launched at Sharjah International Book Fair
