New Book on Sharjah's Mleiha Region Launched at Book Fair

ഷാർജയിലെ മെലീഹ പ്രദേശത്തിന്റെ സമ്പന്നമായ ചരിത്രവും പ്രാധാന്യവും വിശദീകരിക്കുന്ന പുതിയ പുസ്തകം പുറത്തിറങ്ങി. “മെലീഹ – ആൻഷ്യന്റ് ട്രഷേഴ്സ് ഓഫ് ദ യുഎഇ” എന്ന പേരിൽ പ്രസിദ്ധീകരിച്ച ഈ പുസ്തകം 43-ാമത് ഷാർജ അന്താരാഷ്ട്ര പുസ്തകമേളയിൽ ഷാർജ ഭരണാധികാരി ഷെയ്ഖ് ഡോക്ടർ സുൽത്താൻ ബിൻ മുഹമ്മദ് അൽ ഖാസിമി പ്രകാശനം ചെയ്തു. ഷുറൂഖ് ചെയർപേഴ്സൺ ഷെയ്ഖ ബുദൂർ ബിൻത് സുൽത്താൻ അൽ ഖാസിമിയും ചടങ്ങിൽ സന്നിഹിതയായിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഷാർജ നിക്ഷേപ വികസന വകുപ്പിന്റെ നേതൃത്വത്തിൽ, ലോകപ്രശസ്തമായ ‘അസൗലിൻ’ പബ്ലിഷേഴ്സാണ് ഈ പുസ്തകം പുറത്തിറക്കിയത്. ഷാർജ ആർക്കിയോളജി വകുപ്പിലെ വിദഗ്ധർ, ഗവേഷകർ, പണ്ഡിതർ എന്നിവരുമായി സഹകരിച്ച് മെലീഹയുടെ ചരിത്രം കൃത്യമായി അടയാളപ്പെടുത്തിയിരിക്കുന്നു. രണ്ട് ലക്ഷം വർഷം പിന്നിലേക്കുള്ള ചരിത്രവും ആഫ്രിക്കയിൽ നിന്നുള്ള മനുഷ്യ കുടിയേറ്റത്തിന്റെയും കച്ചവട പാതകളുടെയും കഥകൾ ഈ പുസ്തകത്തിലൂടെ അറിയാൻ സാധിക്കും.

മെലീഹയിൽ കണ്ടെത്തിയിട്ടുള്ള വെങ്കല യുഗത്തിലെ ശവകുടീരങ്ങൾ, ഇസ്ലാമിന് മുമ്പുള്ള കോട്ടകൾ, സങ്കീർണ്ണമായ പുരാവസ്തുക്കൾ എന്നിവയെക്കുറിച്ച് പുസ്തകം വിശദമായി പ്രതിപാദിക്കുന്നു. ഷാർജ ആർക്കിയോളജി അതോറിറ്റിയുടെ ഡയറക്ടർ ജനറൽ ഈസ യൂസഫ് ഉൾപ്പെടെയുള്ള ചരിത്രകാരന്മാരുടെയും പുരാവസ്തു ഗവേഷകരുടെയും സംഭാവനകൾ ഇതിൽ ഉൾപ്പെടുത്തിയിട്ടുണ്ട്. ഷാർജ അന്താരാഷ്ട്ര പുസ്തകമേളയിൽ ഈ ചരിത്രപുസ്തകത്തിനായി പ്രത്യേക ഇടം ഒരുക്കിയിട്ടുണ്ട്.

ഷാർജ രാജ്യാന്തര പുസ്തകമേളയ്ക്ക് നവംബർ 5ന് തുടക്കം; 118 രാജ്യങ്ങളിൽ നിന്നുള്ള പ്രസാധകർ പങ്കെടുക്കും

Also Read; ‘ആ സീന് കണ്ടിട്ട് ആളുകള് കൂവി കൊല്ലും എന്നാണ് കരുതിയത്, എന്നാല് വലിയ കയ്യടിയാണ് തിയേറ്ററില് കിട്ടിയത്’: നസ്ലന്

Also Read; റേഷൻ കാർഡിലെ പിശകുകൾ പരിഹരിക്കാം; തെളിമ 2024 പദ്ധതിയുമായി കേരള സർക്കാർ

Story Highlights: New book on Sharjah’s Mleiha region’s history and archaeological importance launched at 43rd Sharjah International Book Fair