Sowmya Sarin Expresses Confidence in P Sarin for Palakkad By-election

പാലക്കാട് ഉപതെരഞ്ഞെടുപ്പിൽ സിപിഐഎം സ്വതന്ത്ര സ്ഥാനാർത്ഥി പി സരിനിൽ വലിയ പ്രതീക്ഷയാണെന്ന് ഡോ. സൗമ്യ സരിൻ പ്രതികരിച്ചു. വോട്ടുചെയ്യാനെത്തിയപ്പോൾ മാധ്യമങ്ങളോട് സംസാരിക്കുകയായിരുന്നു അവർ. ജനങ്ങൾക്ക് വേണ്ടി നന്മ ചെയ്യുന്നയാളാണ് ഒരു ജനപ്രതിനിധി എന്നും അത് സരിൻ 100 ശതമാനം ചെയ്യുന്നയാളാണെന്നും സൗമ്യ വ്യക്തമാക്കി. പാലക്കാട് ഇതുവരെ കേരളം കാണാത്ത തെരഞ്ഞെടുപ്പാണ് നടന്നതെന്നും അവർ കൂട്ടിച്ചേർത്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അതേസമയം, പാലക്കാടൻ ജനതയുടെ മനസ് തങ്ങൾക്കൊപ്പമാണെന്ന് പി സരിൻ പ്രതികരിച്ചു. ജനങ്ങളുടെ തീരുമാനം അട്ടിമറിക്കാനാകില്ലെന്നും അവർ വികസനം പരിഗണിച്ച് വോട്ട് ചെയ്യുമെന്നും അദ്ദേഹം പറഞ്ഞു. ജനങ്ങൾ കൂട്ടത്തോടെ അറിഞ്ഞുചെയ്യുന്ന വോട്ടാണ് ഇത്തവണയെന്നും വോട്ടർമാരുടെ മുഖഭാവങ്ങളിൽ നിന്ന് അത് മനസിലാകുമെന്നും സരിൻ കൂട്ടിച്ചേർത്തു.

വോട്ടിന്റെ എണ്ണത്തിൽ കഴിഞ്ഞ തവണത്തേക്കാൾ കൂടുതലുണ്ടാകുമെന്നും വോട്ട് ശതമാനം കുറയില്ലെന്നും സ്ഥാനാർത്ഥി പ്രതീക്ഷ പ്രകടിപ്പിച്ചു. എഴുപതിനായിരത്തിൽ കുറയാത്ത ആളുകൾ ഇടതുപക്ഷത്തിനു വേണ്ടി വോട്ടുചെയ്യുമെന്നും ഈ കണക്ക് സത്യമാണെന്ന് വൈകുന്നേരത്തോടെ മനസിലാകുമെന്നും അദ്ദേഹം പറഞ്ഞു. ജനങ്ങൾക്കുവേണ്ടി ഓടി നടക്കുന്നവർക്കാണ് വോട്ടെന്നും വോട്ടർമാർ വലിയ പ്രതീക്ഷയിലാണെന്നും സരിൻ കൂട്ടിച്ചേർത്തു.

ഗണഗീതം പാടിയത് തെറ്റ്; സ്കൂളിനെതിരെ നടപടി വേണമെന്ന് വി.ഡി. സതീശൻ

Story Highlights: Sowmya Sarin expresses confidence in P Sarin’s candidacy for Palakkad by-election

ബിഎൽഒ ആത്മഹത്യയിൽ സി.പി.ഐ.എമ്മിന് പങ്കെന്ന് വി.ഡി. സതീശൻ; അന്വേഷണം വേണമെന്ന് ആവശ്യം