കാരേക്കാട് മുല്ലക്കല്‍ സന്തോഷിനെ (34) മരിച്ച നിലയില്‍ കണ്ടെത്തി. ഷൊര്‍ണൂര്‍ ട്രെയിനില്‍ വച്ച് കൊലചെയ്യപ്പെട്ട സൗമ്യയുടെ സഹോദരനാണ് സന്തോഷ്. ഇന്നലെ രാത്രി 9.30ന് വീട്ടിലേക്കെത്തി ഉറങ്ങാന്‍ കിടന്നതായിരുന്നു അദ്ദേഹം. ഉച്ച ആയിട്ടും വാതില്‍ തുറക്കാത്തത് കണ്ട അമ്മ അയല്‍വാസിയെ വിളിച്ച് വാതില്‍ തള്ളി തുറക്കുകയായിരുന്നു.
ഉച്ചക്ക് ഒന്നരയോടെയാണ് സന്തോഷിനെ മരിച്ച നിലയില്‍ കണ്ടെത്തിയത്. ഒറ്റപ്പാലം താലൂക്കില്‍ തഹസില്‍ദാരുടെ ഡ്രൈവറായി ജോലി ചെയ്യുകയായിരുന്നു അദ്ദേഹം. ഷൊര്‍ണൂര്‍ പൊലീസ് സ്ഥലത്തെത്തി തുടര്‍ നടപടികള്‍ സ്വീകരിച്ചു.
മൃതദേഹം ഒറ്റപ്പാലം താലൂക്ക് ആശുപത്രിയില്‍ സൂക്ഷിച്ചിരിക്കുകയാണ്. സംഭവത്തില്‍ കൂടുതല്‍ അന്വേഷണം നടത്തുമെന്ന് പൊലീസ് അറിയിച്ചു. സന്തോഷിന്റെ മരണത്തില്‍ ദുരൂഹത ഉണ്ടെന്ന് ബന്ധുക്കള്‍ ആരോപിച്ചു.
Story Highlights: Soumya’s brother Santhosh found dead at home in Karekad, Ottapalam
