13-Year-Old Girl Bitten by Snake at Punalur Railway Station

**പുനലൂർ◾:** പുനലൂർ റെയിൽവേ സ്റ്റേഷനിൽ പാമ്പുകടിയേറ്റ 13കാരിയെ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. അഞ്ചൽ കോട്ടുക്കൽ സ്വദേശിനിയായ ശ്രീലക്ഷ്മിയാണ് പാമ്പുകടിയേറ്റത്. ഇന്ന് പുലർച്ചെ അഞ്ചരയോടെ ചെന്നൈ എഗ്മോർ ട്രെയിനിൽ നിന്നും വീട്ടുകാർക്കൊപ്പം ഇറങ്ങിയ ശ്രീലക്ഷ്മിക്ക് പ്ലാറ്റ്ഫോമിൽ നിന്നും പുറത്തിറങ്ങുന്നതിനിടെയാണ് അപകടം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

നിർമ്മാണ പ്രവർത്തനങ്ങൾ നടക്കുന്നതിനാൽ സ്റ്റേഷന്റെ പ്രധാന കവാടം അടച്ചിരുന്നു. മറ്റൊരു കവാടം വഴി പുറത്തിറങ്ങുമ്പോൾ വെളിച്ചക്കുറവുള്ള ഭാഗത്തുവെച്ചാണ് ശ്രീലക്ഷ്മിക്ക് കാലിൽ പാമ്പുകടിയേറ്റത്. കുട്ടിയുടെ നിലവിളി കേട്ട് ഓടിക്കൂടിയവർ പാമ്പിനെ തല്ലിക്കൊന്നു.

പാമ്പുകടിയേറ്റ ഉടൻ തന്നെ ശ്രീലക്ഷ്മിയെ പുനലൂർ താലൂക്ക് ആശുപത്രിയിൽ പ്രാഥമിക ചികിത്സ നൽകി. തുടർന്ന് കൂടുതൽ ചികിത്സയ്ക്കായി തിരുവനന്തപുരം മെഡിക്കൽ കോളേജ് ആശുപത്രിയിലേക്ക് മാറ്റുകയായിരുന്നു. കുട്ടി അപകടനില തരണം ചെയ്തതായി ബന്ധുക്കൾ അറിയിച്ചു.

കാടുമൂടിക്കിടക്കുന്ന പുനലൂർ റെയിൽവേ സ്റ്റേഷൻ പരിസരം ഇഴജന്തുക്കളുടെ വിഹാരകേന്ദ്രമാണെന്ന് നാട്ടുകാർ പറയുന്നു. കാടു വെട്ടിത്തെളിച്ച് വെളിച്ച സൗകര്യം ഏർപ്പെടുത്തണമെന്ന ആവശ്യം വർഷങ്ങളായി ഉയരുന്നുണ്ട്. യാത്രക്കാരുടെ സുരക്ഷ ഉറപ്പാക്കാൻ അധികൃതർ ഇടപെടണമെന്നും നാട്ടുകാർ ആവശ്യപ്പെടുന്നു.

കൊല്ലം പൂരത്തിൽ ഹെഡ്ഗേവാർ ചിത്രം; കേസെടുത്തു

Story Highlights: A 13-year-old girl was bitten by a snake at Punalur railway station in Kerala and is currently receiving treatment at Thiruvananthapuram Medical College Hospital.

കോതമംഗലത്ത് ഫുട്ബോൾ ഗ്യാലറി തകർന്നുവീണു; നിരവധി പേർക്ക് പരിക്ക്