SKN 40 Kerala Yatra: Phase 2 Begins Sunday from Malappuram

എസ്കെഎൻ 40 കേരള യാത്രയുടെ ആദ്യഘട്ടം തൃശ്ശൂരിൽ സമാപിച്ചു. തിരുവനന്തപുരം മുതൽ തൃശ്ശൂർ വരെയുള്ള ജില്ലകളിലൂടെയായിരുന്നു ആദ്യഘട്ട യാത്ര. മലപ്പുറത്ത് നിന്നാരംഭിക്കുന്ന രണ്ടാം ഘട്ട യാത്രയിലൂടെ ഉത്തരകേരളത്തിലും ലഹരി വിരുദ്ധ സന്ദേശം എത്തിക്കും. ഈ മാസം 20ന് കോഴിക്കോട് വെച്ചാണ് യാത്രയുടെ സമാപനം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ലഹരിവിരുദ്ധ ക്യാമ്പയിനുമായി ഒരു മാധ്യമ മേധാവിയുടെ നേതൃത്വത്തിൽ നടക്കുന്ന ഈ യാത്ര ലോക മാധ്യമ ചരിത്രത്തിൽ തന്നെ പുതു ചരിത്രമെഴുതുകയാണ്. മാർച്ച് 16ന് തിരുവനന്തപുരത്ത് മുഖ്യമന്ത്രി പിണറായി വിജയനുമായുള്ള എസ്കെഎൻ്റെ അഭിമുഖത്തോടെയാണ് യാത്ര ആരംഭിച്ചത്. യാത്രയുടെ രണ്ടാം ഘട്ടം ഞായറാഴ്ച മലപ്പുറത്ത് നിന്ന് ആരംഭിക്കും.

അരുത് അക്രമം, അരുത് ലഹരി എന്ന സന്ദേശവുമായി മീനച്ചൂടിൽ തുടങ്ങിയ യാത്രയ്ക്ക് ജനങ്ങളിൽ നിന്ന് വലിയ പിന്തുണ ലഭിച്ചു. കേരളത്തിലെ ലഹരിയുടെയും അക്രമങ്ങളുടെയും തായ്വേരറുക്കാൻ ജനങ്ങൾ ട്വന്റിഫോറിനൊപ്പം അണിനിരന്നു. രാഷ്ട്രീയ നേതാക്കൾ, ആത്മീയ നേതാക്കൾ, വീട്ടമ്മമാർ, വിദ്യാർത്ഥികൾ, ടെക്കികൾ, തൊഴിലാളികൾ, കലാ-സാംസ്കാരിക രംഗത്തുള്ളവർ തുടങ്ങി സമസ്ത മേഖലയിലുള്ളവരും എസ്കെഎൻ 40 കേരള യാത്രയിൽ അണിചേർന്നു.

തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂർ എന്നീ ജില്ലകളിലൂടെയാണ് ആദ്യഘട്ട യാത്ര പൂർത്തിയായത്. പലയിടങ്ങളിലും ലഹരി മാഫിയയെക്കുറിച്ച് വിശദീകരിക്കാൻ സ്ത്രീകളും കുട്ടികളും മുന്നോട്ടുവന്നു. ഇപ്പോൾ തടഞ്ഞില്ലെങ്കിൽ എപ്പോൾ എന്ന ചോദ്യമാണ് ജനങ്ങൾ ഉന്നയിച്ചത്.

ഏറ്റുമാനൂർ ആത്മഹത്യ കേസ്: നോബി ലൂക്കോസിന് ജാമ്യം

പൊലീസും എക്സൈസും തത്സമയം നടപടിയെടുക്കുമെന്ന് ഉറപ്പുനൽകി. വർദ്ധിത വീര്യത്തോടെയും ആത്മാർത്ഥതയോടെയും എസ്കെഎൻ ഞായറാഴ്ച മുതൽ വീണ്ടും കേരള യാത്ര തുടങ്ങും. എന്റെ കേരളം എന്റെ അഭിമാനം എന്ന് നാടും നഗരവും ആർത്തുവിളിക്കുന്നു.

മലപ്പുറം ജില്ലയിൽ നിന്നാണ് രണ്ടാം ഘട്ട യാത്ര ആരംഭിക്കുന്നത്. ഉത്തരകേരളത്തിലുടനീളം എസ്കെഎൻ്റെ സന്ദേശം എത്തിക്കുകയാണ് ലക്ഷ്യം. ലഹരി വിരുദ്ധ പ്രവർത്തനങ്ങൾക്ക് പുത്തൻ ഉണർവ്വ് പകരുന്നതാണ് ഈ യാത്ര.

Story Highlights: SKN’s 40-day anti-drug campaign across Kerala enters its second phase, starting from Malappuram on Sunday.

മലപ്പുറത്ത് പച്ചക്കറി കടയിൽ നിന്ന് കഞ്ചാവും തോക്കുകളും പിടിച്ചെടുത്തു