ഗായിക ഉഷ ഉതുപ്പിന്റെ ഭർത്താവ് ജാനി ചാക്കോ ഉതുപ്പ് 78-ാം വയസ്സിൽ അന്തരിച്ചു. തിങ്കളാഴ്ച കൊൽക്കത്തയിലെ വീട്ടിൽ വച്ച് ഹൃദയാഘാതം മൂലമാണ് അദ്ദേഹത്തിന്റെ മരണം സംഭവിച്ചത്. കുടുംബ വൃത്തങ്ങൾ അറിയിച്ചതനുസരിച്ച് സംസ്കാരം ചൊവ്വാഴ്ച നടക്കും.
കോട്ടയം പൈനുംങ്കൽ ചിറക്കരോട്ട് കുടുംബാംഗമായ ജാനി ചാക്കോ ഉതുപ്പ്, കൊൽക്കത്തയിലെ നിശാ ക്ലബുകളിൽ പാടുന്ന കാലത്താണ് ഉഷയുമായി പരിചയപ്പെടുന്നത്. 1971-ൽ ഇരുവരും വിവാഹിതരായി. ചരിത്രപ്രസിദ്ധമായ കൊൽക്കത്തയിലെ ട്രിൻകാസിൽ വച്ചായിരുന്നു ഉഷ ഉതുപ്പും ചാക്കോ ഉതുപ്പും ആദ്യമായി കണ്ടുമുട്ടിയത്.
വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here
ജാനി ചാക്കോ ഉതുപ്പിന്റെയും ഉഷ ഉതുപ്പിന്റെയും മക്കളാണ് സണ്ണി ഉതുപ്പും അഞ്ജലി ഉതുപ്പും. ഗായിക ഉഷ ഉതുപ്പിന്റെ ഭർത്താവിന്റെ വിയോഗം സംഗീത ലോകത്തിന് കനത്ത നഷ്ടമാണ്. അദ്ദേഹത്തിന്റെ കുടുംബത്തിനും സുഹൃത്തുക്കൾക്കും ആശ്വാസവാക്കുകൾ നേരുന്നു.
