Siddique Kappan questions midnight police check

മലപ്പുറം◾: അർദ്ധരാത്രിയിലെ പോലീസ് പരിശോധന അസാധാരണ നടപടിയെന്ന് മാധ്യമപ്രവർത്തകൻ സിദ്ദിഖ് കാപ്പൻ. മനുഷ്യാവകാശ ലംഘനമാണിതെന്നും അദ്ദേഹം ആരോപിച്ചു. വീട്ടിലേക്കുള്ള വഴി നീളെ വീട് ചോദിച്ചു നടന്ന ശേഷമാണ് പോലീസ് എത്തിയതെന്നും ആളുകളെ പരിഭ്രാന്തരാക്കുകയായിരുന്നു ലക്ഷ്യമെന്നും സിദ്ദിഖ് കാപ്പൻ ട്വന്റിഫോറിനോട് പറഞ്ഞു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സിദ്ദിഖ് കാപ്പന്റെ ഭാര്യ റൈഹാനയാണ് ഫേസ്ബുക്ക് പോസ്റ്റിലൂടെ വിവരം പുറത്തുവിട്ടത്. വേങ്ങര പൊലീസ് സ്റ്റേഷനിൽ നിന്ന് രണ്ടര കിലോമീറ്റർ മാത്രം ദൂരമുള്ള തന്റെ വീട്ടിലേക്ക് വഴി ചോദിച്ചു നടന്നാണ് പോലീസ് എത്തിയതെന്നും കാപ്പൻ പറഞ്ഞു.

ഇന്നലെ വൈകുന്നേരം 6.20ഓടെയാണ് രണ്ട് പൊലീസുകാർ വീട്ടിലെത്തിയത്. ഒരാൾ വേങ്ങര പൊലീസ് സ്റ്റേഷനിൽ നിന്നും മറ്റൊരാൾ മലപ്പുറത്ത് നിന്നുമാണെന്ന് അവർ പറഞ്ഞു. വീട്ടിൽ ഉണ്ടാകുമോ എന്ന് ചോദിച്ച ശേഷം, 12 മണിക്ക് ശേഷം മലപ്പുറത്ത് നിന്നും ഒരു സംഘം ചെക്കിങ്ങിന് വരുമെന്ന് അറിയിച്ചു.

എന്തിനാണ് അർദ്ധരാത്രിയിൽ പരിശോധനയ്ക്ക് വരുന്നതെന്നും ഇപ്പോൾ തന്നെ വരാമല്ലോ എന്നും കാപ്പൻ ചോദിച്ചെങ്കിലും രാത്രി തന്നെ വരുമെന്നായിരുന്നു മറുപടി. കാപ്പന്റെ സാന്നിധ്യം ഉറപ്പുവരുത്താനാണ് ചോദിക്കുന്നതെന്നും പോലീസ് അറിയിച്ചതായി റൈഹാന പറഞ്ഞു.

വെള്ളാപ്പള്ളിയെ പിന്തുണച്ച് കെ. സുരേന്ദ്രൻ; ലീഗിനെതിരെ രൂക്ഷവിമർശനം

സിദ്ദിഖ് കാപ്പന് സുപ്രീംകോടതിയും ലഖ്നൗ കോടതിയും കേസുകളിൽ ജാമ്യം അനുവദിച്ചിരുന്നു. എന്തിനാണ് പരിശോധന എന്നതിൽ വ്യക്തമായ ഉത്തരം വീട്ടുകാർക്ക് നൽകിയിട്ടില്ല. അർദ്ധരാത്രി എത്തുമെന്ന് അറിയിച്ചെങ്കിലും പോലീസ് വന്നില്ല.

Story Highlights: Journalist Siddique Kappan criticizes midnight police check as unusual and a violation of human rights.

വളാഞ്ചേരിയിൽ വാട്ടർ ടാങ്കിൽ യുവതിയുടെ മൃതദേഹം