Explosive Thrown Near BJP Leader Shobha Surendran's House in Thrissur

തൃശ്ശൂർ◾: ബിജെപി സംസ്ഥാന വൈസ് പ്രസിഡന്റ് ശോഭാ സുരേന്ദ്രന്റെ തൃശ്ശൂരിലെ വീടിനു സമീപം സ്ഫോടക വസ്തു എറിഞ്ഞ സംഭവത്തിൽ പോലീസ് അന്വേഷണം ആരംഭിച്ചു. എതിർവശത്തെ വീടിന്റെ ഗേറ്റിനോടു ചേർന്നാണ് സ്ഫോടകവസ്തു കണ്ടെത്തിയത്. ഇന്നലെ രാത്രി ഒരുമണിയോടെയാണ് സംഭവം നടന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ശോഭാ സുരേന്ദ്രൻ അടക്കമുള്ളവർ സംഭവസമയത്ത് വീട്ടിലുണ്ടായിരുന്നു. സ്ഫോടക വസ്തു ഏറുപടക്കം പോലെ തോന്നിക്കുന്നതാണെന്നും പോലീസ് പറഞ്ഞു. സംശയകരമായ രീതിയിൽ ഒരു കാർ കണ്ടതായി പ്രദേശവാസികൾ പോലീസിന് മൊഴി നൽകിയിട്ടുണ്ട്.

തന്നെ ലക്ഷ്യമിട്ടുള്ള ആസൂത്രിത നീക്കമാണിതെന്ന് ശോഭാ സുരേന്ദ്രൻ ആരോപിച്ചു. ശോഭയുടെ വീടാണെന്ന് തെറ്റിദ്ധരിച്ചാണോ സ്ഫോടകവസ്തു എറിഞ്ഞതെന്ന് പോലീസ് പരിശോധിച്ചുവരുന്നു. രണ്ടു തവണ ഉഗ്രശബ്ദത്തോടെ പൊട്ടിത്തെറിയുണ്ടായതായി റിപ്പോർട്ടുകളുണ്ട്.

സിസിടിവി ദൃശ്യങ്ങളും പോലീസ് പരിശോധിച്ചുവരുന്നു. സംഭവത്തിൽ ഗൂഢാലോചനയുണ്ടെന്നും വിശദമായ അന്വേഷണം വേണമെന്നും ബിജെപി ആവശ്യപ്പെട്ടു. അജ്ഞാതർക്കെതിരെ കേസെടുത്ത പോലീസ് അന്വേഷണം ഊർജിതമാക്കിയിട്ടുണ്ട്.

Story Highlights: An explosive device was thrown near the house of BJP state vice president Shobha Surendran in Thrissur.

നിലമ്പൂരിൽ ഇടതിന് അനുകൂല സാഹചര്യമെന്ന് എളമരം കരീം

ശോഭ സുരേന്ദ്രന്റെ വീടിനടുത്ത് പടക്കം പൊട്ടിച്ചത് യുവാക്കൾ; മൂന്ന് പേർ കസ്റ്റഡിയിൽ