Shine Tom Chacko to Appear Before Police Today

കൊച്ചിയിൽ ലഹരിമരുന്ന് പരിശോധനയ്ക്കിടെ ഹോട്ടൽ മുറിയിൽ നിന്ന് ഓടിരക്ഷപ്പെട്ട സംഭവത്തിൽ നടൻ ഷൈൻ ടോം ചാക്കോ ഇന്ന് പോലീസിന് മുന്നിൽ ഹാജരാകും. സെൻട്രൽ എസിപി നൽകിയ നോട്ടീസിന്റെ അടിസ്ഥാനത്തിൽ രാവിലെ 10 മണിക്ക് എറണാകുളം നോർത്ത് പൊലീസ് സ്റ്റേഷനിലാണ് ഹാജരാകേണ്ടത്. വിശദമായ ചോദ്യം ചെയ്യൽ ഹാജരായതിന് ശേഷമായിരിക്കും.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

നടിക്കെതിരായ പരാതിയിലും ഷൈൻ ടോം ചാക്കോ നേരിട്ട് ഹാജരായി വിശദീകരണം നൽകുമെന്ന് പിതാവ് ചാക്കോ അറിയിച്ചു. ആഭ്യന്തര പരാതി പരിഹാര സമിതിയുടെ നോട്ടീസ് ലഭിച്ചിട്ടുണ്ടെന്നും അന്വേഷണവുമായി പൂർണമായി സഹകരിക്കുമെന്നും അദ്ദേഹം വ്യക്തമാക്കി. തിങ്കളാഴ്ച കൊച്ചിയിൽ ഹാജരാകാനാണ് നിർദേശം.

നഗരത്തിലെ ഒരു പ്രധാന ലഹരിമരുന്ന് വിൽപ്പനക്കാരനെ തേടിയാണ് പോലീസ് ഷൈൻ ടോം ചാക്കോയുടെ ഹോട്ടൽ മുറിയിൽ പരിശോധന നടത്തിയത്. ഷൈനിനെതിരെ കേസോ പരാതിയോ ഇല്ലെങ്കിലും, പരിശോധനയ്ക്കിടെ ഓടി രക്ഷപ്പെട്ട നടന്റെ നീക്കത്തിൽ പൊലീസിന് ദുരൂഹത തോന്നിയിട്ടുണ്ട്. ഈ സാഹചര്യത്തിലാണ് നോട്ടീസ് നൽകി വിളിച്ചുവരുത്തുന്നത്.

നിലവിൽ തമിഴ്നാട്ടിലാണ് ഷൈൻ ഉള്ളത്. ഷൈനിന്റെ മുറിയിൽ ഉണ്ടായിരുന്ന സുഹൃത്തുക്കളുടെ മൊഴികൾ പോലീസ് രേഖപ്പെടുത്തിയിട്ടുണ്ട്. എന്നാൽ തെളിവുകൾ ലഭിക്കാത്തതിനാൽ ഷൈനെതിരെ കേസെടുക്കില്ലെന്ന് പോലീസ് അറിയിച്ചു. എക്സൈസും ഷൈനെതിരെ പ്രാഥമിക അന്വേഷണം ആരംഭിച്ചിട്ടുണ്ട്.

രാഹുൽ മാങ്കൂട്ടത്തിലിനെതിരായ കേസിൽ തെളിവെടുപ്പ് ശക്തമാക്കി പോലീസ്; നിർണ്ണായക കണ്ടെത്തലുകൾ

അന്വേഷണത്തോട് പൂർണ്ണമായി സഹകരിക്കുമെന്ന് ഷൈനിന്റെ കുടുംബം അറിയിച്ചു. നടി വിൻസിയുടെ പരാതിയിൽ നടൻ ഷൈൻ ടോം ചാക്കോ നേരിട്ട് ഹാജരായി വിശദീകരണം നൽകുമെന്ന് പിതാവ് ചാക്കോ വ്യക്തമാക്കി.

Story Highlights: Actor Shine Tom Chacko will appear before the police today in connection with the incident of escaping from a hotel room during a drug inspection in Kochi.

മോഷണം നടത്താനെത്തിയ നാഗാലാൻഡ് സ്വദേശിയെ പിടികൂടി അതിഥി തൊഴിലാളികൾ