Shine Tom Chacko Drug Case: Police to Record More Statements

**കൊച്ചി◾:** ലഹരിമരുന്ന് കേസിൽ പ്രതിയായ ഷൈൻ ടോം ചാക്കോയ്ക്കെതിരായ അന്വേഷണം ശക്തമാക്കാനുള്ള ശ്രമത്തിലാണ് പോലീസ്. കേസുമായി ബന്ധപ്പെട്ട് കൂടുതൽ പേരുടെ മൊഴികൾ രേഖപ്പെടുത്താനാണ് പോലീസിന്റെ തീരുമാനം. ഷൈനെ മറ്റൊരു ഹോട്ടലിൽ ബൈക്കിൽ എത്തിച്ച യുവാവിന്റെ മൊഴിയും രേഖപ്പെടുത്തും. ഷൈൻ ടോം ചാക്കോ നൽകിയ മൊഴികളിൽ പൊലീസിന് പൂർണ്ണമായ വിശ്വാസമില്ല. ഹോട്ടൽ മുറിയിൽ നിന്ന് ഇറങ്ങിയോടിയതിൽ ഷൈൻ നൽകിയ വിശദീകരണത്തിലും പൊലീസിന് തൃപ്തിയില്ല.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഷൈൻ ലഹരിമരുന്ന് ഉപയോഗിക്കുമെന്ന് സമ്മതിച്ചെങ്കിലും ശാസ്ത്രീയ പരിശോധനാ ഫലം ലഭിച്ചതിനു ശേഷമേ കൂടുതൽ വകുപ്പുകൾ ചുമത്തുന്ന കാര്യത്തിൽ തീരുമാനമെടുക്കൂ. ഷൈൻ ടോം ചാക്കോക്കെതിരെ ചുമത്തിയിട്ടുള്ള എഫ്ഐആർ ദുർബലമാണെന്ന വിലയിരുത്തലിനെ മറികടക്കാനും പോലീസ് ശ്രമിക്കുന്നു. സംശയാസ്പദമായ ബാങ്ക് ഇടപാടുകൾ നടത്തിയവരിൽ നിന്നും വിവരങ്ങൾ ശേഖരിക്കും.

മൊഴികളും മറ്റ് തെളിവുകളും പരിശോധിച്ച ശേഷം വീണ്ടും ഷൈൻ ടോം ചാക്കോയെ ചോദ്യം ചെയ്യാൻ വിളിപ്പിക്കാനാണ് പോലീസിന്റെ ആലോചന. അന്വേഷണം പ്രാഥമിക ഘട്ടത്തിലാണെന്നും തുടർ അറസ്റ്റുകളെക്കുറിച്ച് പിന്നീട് തീരുമാനമെടുക്കുമെന്നും കൊച്ചി സിറ്റി പോലീസ് കമ്മീഷണർ പുട്ട വിമലാദിത്യ വ്യക്തമാക്കി. കേസുമായി ബന്ധപ്പെട്ട് കൂടുതൽ തെളിവുകൾ ശേഖരിക്കാനുള്ള ശ്രമത്തിലാണ് പൊലീസ്.

രാഹുൽ മാങ്കൂട്ടത്തിലിന്റെ അറസ്റ്റ് ഹൈക്കോടതി തടഞ്ഞു; പരാതി രാഷ്ട്രീയപ്രേരിതമെന്ന് രാഹുൽ

Story Highlights: Kochi police are investigating Shine Tom Chacko’s drug case and plan to record statements from more individuals involved.

മോഷണം നടത്താനെത്തിയ നാഗാലാൻഡ് സ്വദേശിയെ പിടികൂടി അതിഥി തൊഴിലാളികൾ