Shine Tom Chacko Arrested in Drug Case, Reveals Film Industry Link

എറണാകുളം◾: ലഹരിമരുന്ന് കേസിൽ നടൻ ഷൈൻ ടോം ചാക്കോയെ എറണാകുളം നോർത്ത് പോലീസ് അറസ്റ്റ് ചെയ്തു. മെത്താംഫെറ്റമിനും കഞ്ചാവുമാണ് താൻ ഉപയോഗിക്കുന്നതെന്ന് ഷൈൻ പോലീസിന് മൊഴി നൽകി. സിനിമാ പ്രവർത്തകരാണ് തനിക്ക് ലഹരി എത്തിച്ചുനൽകുന്നതെന്നും ഷൈൻ വെളിപ്പെടുത്തി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ലഹരി ഉപയോഗം വർധിച്ചതിനെ തുടർന്ന് ഒരു വർഷം മുൻപ് കുടുംബാംഗങ്ങൾ ഷൈനിനെ കൂത്താട്ടുകുളത്തെ ലഹരി വിമുക്ത കേന്ദ്രത്തിൽ പ്രവേശിപ്പിച്ചിരുന്നു. ആലപ്പുഴ ഹൈബ്രിഡ് കേസിലെ പ്രതി തസ്ലീമയെ അറിയാമെന്നും നിരവധി തവണ ഫോണിൽ ബന്ധപ്പെട്ടിട്ടുണ്ടെന്നും ഷൈൻ മൊഴി നൽകി.

എൻ.ഡി.പി.എസ് നിയമത്തിലെ 29, 27 വകുപ്പുകൾ പ്രകാരമാണ് ഷൈനിനെതിരെ കേസെടുത്തത്. നാല് മണിക്കൂർ നീണ്ട ചോദ്യം ചെയ്യലിനു ശേഷമായിരുന്നു അറസ്റ്റ്. സാമ്പത്തിക ഇടപാടുകൾ, സമാന കേസുകളിൽ ഉൾപ്പെട്ടവരുമായുള്ള ബന്ധം, ഫോൺ കോളുകൾ, മൊഴികളിലെ വൈരുധ്യങ്ങൾ തുടങ്ങിയവയാണ് ഷൈനിനെ കുരുക്കിയത്.

പോലീസ് നോട്ടീസിനെ തുടർന്ന് ഇന്ന് കൊച്ചി നോർത്ത് പോലീസ് സ്റ്റേഷനിൽ ഷൈൻ ഹാജരായിരുന്നു. ഗുണ്ടകളെന്ന് തെറ്റിദ്ധരിച്ചാണ് ഓടിയതെന്നും പോലീസാണെന്ന് അറിയില്ലായിരുന്നുവെന്നും ഷൈൻ പറഞ്ഞു. ഷൈനിന്റെ ഫോണിലെ വാട്സ്ആപ്പ് കോളുകൾ, സന്ദേശങ്ങൾ, യുപിഐ ഇടപാടുകൾ എന്നിവ പോലീസ് പരിശോധിച്ചു.

‘കളങ്കാവൽ’ ധീരമായ പരീക്ഷണം; മമ്മൂട്ടിയെ പ്രശംസിച്ച് മന്ത്രി വി. ശിവൻകുട്ടി

എറണാകുളം എസിപിയുടെ നേതൃത്വത്തിലുള്ള സംഘമാണ് ഷൈനിനെ ചോദ്യം ചെയ്തത്. നാർക്കോട്ടിക് സെൽ എസിപിയും സൗത്ത് എസിപിയും ചോദ്യം ചെയ്യൽ സംഘത്തിലുണ്ടായിരുന്നു. ലഹരി ഉപയോഗിച്ചിട്ടുണ്ടോ എന്ന് പരിശോധിക്കാൻ ഷൈനിന്റെ സ്രവം, തലമുടി, രക്തം എന്നിവ പരിശോധിക്കും. ഫോൺ രേഖകളും ഡ്രഗ് ഡീലറായ സജീറുമായുള്ള ബന്ധവും നിർണായക തെളിവാണെന്ന് പോലീസ് അറിയിച്ചു.

മയക്കുമരുന്ന് ഉപഭോഗം എൻ.ഡി.പി.എസ് നിയമത്തിലെ സെക്ഷൻ 27 പ്രകാരം കുറ്റകരമാണ്. ഒരു വർഷം വരെ (ചില മയക്കുമരുന്നുകളുടെ കാര്യത്തിൽ) അല്ലെങ്കിൽ ആറ് മാസം വരെ (മറ്റെല്ലാ മരുന്നുകളുടെയും കാര്യത്തിൽ) തടവ് ശിക്ഷ ലഭിക്കാവുന്ന കുറ്റമാണിത്. മറ്റൊരാളെ കുറ്റകൃത്യത്തിന് പ്രേരിപ്പിക്കുന്നതും സെക്ഷൻ 29 പ്രകാരം കുറ്റകരമാണ്.

Story Highlights: Actor Shine Tom Chacko arrested in Kochi for drug possession and reveals film industry connection.

മോഷണം നടത്താനെത്തിയ നാഗാലാൻഡ് സ്വദേശിയെ പിടികൂടി അതിഥി തൊഴിലാളികൾ