Shafi Parambil slams CPM's ad featuring Sandeep Warrier

സിപിഐഎമ്മിന്റെ പുതിയ പത്രപരസ്യത്തിനെതിരെ രൂക്ഷ വിമർശനവുമായി കോൺഗ്രസ് നേതാവ് ഷാഫി പറമ്പിൽ രംഗത്തെത്തി. സന്ദീപ് വാര്യരുടെ പഴയ പ്രസ്താവനകൾ ഉയർത്തിക്കാട്ടി സിറാജിലും സുപ്രഭാതത്തിലും നൽകിയ പരസ്യത്തെയാണ് ഷാഫി വിമർശിച്ചത്. സംഘപരിവാർ ഭാഷയാണ് സിപിഐഎം പരസ്യങ്ങളിൽ ഉപയോഗിച്ചിരിക്കുന്നതെന്നും വർഗീയ ഭിന്നിപ്പിനാണ് അവർ ശ്രമിക്കുന്നതെന്നും ഷാഫി ആരോപിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കാഫിർ സ്ക്രീൻ ഷോട്ടിന്റെ ഗ്ലോറിഫൈഡ് വേർഷനാണ് എൽഡിഎഫിന്റെ പുതിയ പത്രപരസ്യമെന്ന് ഷാഫി പറമ്പിൽ വിമർശിച്ചു. എ കെ ബാലൻ ക്രിസ്റ്റൽ ക്ലിയർ എന്ന് വിശേഷിപ്പിച്ച സന്ദീപിനെ കുറിച്ചാണ് ഇപ്പോൾ പറയുന്നതെന്നും അദ്ദേഹം ചൂണ്ടിക്കാട്ടി. സിപിഐഎം ഇത്രയും അധഃപതിക്കരുതെന്നും അപകടകരമായ രാഷ്ട്രീയമാണ് അവർ കളിക്കുന്നതെന്നും ഷാഫി കുറ്റപ്പെടുത്തി.

ബിജെപിയിൽ നിന്ന് ഒരാൾ പോയതിൽ സിപിഐഎം എന്തിനാണ് ഇത്ര വിഷമിക്കുന്നതെന്നും തിരഞ്ഞെടുപ്പ് കമ്മീഷൻ എങ്ങനെ ഇതിന് അനുമതി നൽകിയെന്നും ഷാഫി ചോദിച്ചു. സിറാജിലും സുപ്രഭാത്തിലുമാണ് ഇത്തരത്തിൽ പരസ്യം നൽകിയിരിക്കുന്നതെന്നും എന്നാൽ ദേശാഭിമാനിയിൽ ഈ പരസ്യം ഇല്ല എന്നതും ശ്രദ്ധേയമാണെന്നും അദ്ദേഹം കൂട്ടിച്ചേർത്തു.

എം.വി ഗോവിന്ദൻ്റേത് തരംതാണ പ്രസ്താവന; ഗോവിന്ദൻ മാസ്റ്റർ ഗോവിന്ദച്ചാമിയാകരുത്: കത്തോലിക്കാ സഭ

Story Highlights: Shafi Parambil criticizes CPM’s newspaper advertisement featuring Sandeep Warrier’s old statements

എം.വി. ഗോവിന്ദന്റെ മകനെതിരായ പരാതിയില് സി.പി.ഐ.എം പ്രതിരോധത്തിലോക്ക് ?