SFI Wins Pookode Veterinary University Student Council Election

പൂക്കോട് വെറ്ററിനറി സർവകലാശാലയിൽ എസ്എഫ്ഐയുടെ വിജയം പൂക്കോട് വെറ്ററിനറി സർവകലാശാല മാനേജ്മെന്റ് കൗൺസിൽ വിദ്യാർത്ഥി പ്രതിനിധി തെരഞ്ഞെടുപ്പിൽ എസ്എഫ്ഐക്ക് വൻ വിജയം ലഭിച്ചു. എസ്എഫ്ഐ സ്ഥാനാർഥി പി അഭിരാം 427 വോട്ട് ഭൂരിപക്ഷത്തോടെ വിജയിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മണ്ണൂത്തി വെറ്ററിനറി കോളേജിലെ നാലാം വർഷ വിദ്യാർഥിയാണ് അഭിരാം. ചൊവ്വാഴ്ച രാവിലെ പൂക്കോട് വെറ്ററിനറി സർവകലാശാല ആസ്ഥാനത്ത് വോട്ടെണ്ണൽ നടന്നു.

കഴിഞ്ഞ 22-ാം തീയതി നടന്ന തെരഞ്ഞെടുപ്പിൽ എസ്എഫ്ഐയും സ്വതന്ത്രമുന്നണിയും മത്സരിച്ചിരുന്നു. സർവകലാശാലയ്ക്ക് കീഴിലുള്ള എല്ലാ കോളേജുകളിലെയും വിദ്യാർഥികൾ വോട്ടുചെയ്തു.

സ്വതന്ത്രമുന്നണി സ്ഥാനാർഥിക്ക് 228 വോട്ടുകൾ മാത്രമാണ് ലഭിച്ചത്. നേരത്തെ നടത്താനിരുന്ന തെരഞ്ഞെടുപ്പ് ഒരു വിദ്യാർത്ഥിയുടെ മരണത്തെ തുടർന്ന് മാറ്റിവച്ചിരുന്നു.

മാനേജ്മെന്റ് കൗൺസിലിലെ അധ്യാപക, അധ്യാപകേതര, തൊഴിലാളി പ്രതിനിധികൾക്കായുള്ള തെരഞ്ഞെടുപ്പ് നേരത്തെ പൂർത്തിയായിരുന്നു. വിജയത്തിൽ ആഹ്ലാദം പ്രകടിപ്പിച്ച് സർവകലാശാല ആസ്ഥാനത്ത് എസ്എഫ്ഐ പ്രകടനം നടത്തി.

കൊല്ലം സിപിഐഎം ജില്ലാ സെക്രട്ടറി സ്ഥാനത്ത് എസ് ജയമോഹൻ; എം വി ഗോവിന്ദൻ ഇന്ന് കൊല്ലത്ത്

റസൂൽ പൂക്കുട്ടി കേരള ചലച്ചിത്ര അക്കാദമി ചെയർമാനാകും