NIT Trichy Student Harassment: Protests Erupt Over Warden's Response

തിരുച്ചിറപ്പള്ളി നാഷണൽ ഇൻസ്റ്റിറ്റ്യൂട്ട് ഓഫ് ടെക്നോളജി (എൻഐടി) ഹോസ്റ്റലിൽ വിദ്യാർഥിനിയെ പീഡിപ്പിച്ചതുമായി ബന്ധപ്പെട്ട് പ്രതിഷേധം ശക്തമായി. ഹോസ്റ്റലിൽ വൈഫൈ ഇൻസ്റ്റാൾ ചെയ്യാനെത്തിയ ജി കതിരേശൻ എന്നയാൾ മുറിയിൽ ഒറ്റയ്ക്കായിരുന്ന വിദ്യാർഥിനിക്ക് മുന്നിൽ നഗ്നതാ പ്രദർശനവും സ്വയംഭോഗവും നടത്തി. ഈ വിവരം ഹോസ്റ്റൽ വാർഡനെ അറിയിച്ചപ്പോൾ വിദ്യാർഥിനിയുടെ വസ്ത്രധാരണത്തിൻ്റെ പ്രശ്നം കാരണമാണ് ഇങ്ങനെ സംഭവിച്ചതെന്നായിരുന്നു പ്രതികരണം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വ്യാഴാഴ്ച തന്നെ പ്രതിയെ പോലീസ് അറസ്റ്റ് ചെയ്തു. വാർഡൻ്റെ കുറ്റപ്പെടുത്തലിൽ രോഷാകുലയായ വിദ്യാർഥിനി സമൂഹമാധ്യമങ്ങളിലൂടെ തനിക്കുണ്ടായ അനുഭവം തുറന്നുപറഞ്ഞു. ഇതോടെ 500ൽ അധികം വിദ്യാർഥികൾ എൻഐടി ക്യാമ്പസിൽ കുത്തിയിരുപ്പ് സമരം നടത്തി.

വിദ്യാർഥികളുടെ സുരക്ഷയിൽ വീഴ്ച വരുത്തുകയും ഇരയാക്കപ്പെട്ട പെൺകുട്ടിയെ കുറ്റപ്പെടുത്തുകയും ചെയ്ത വാർഡനെതിരെ നടപടി വേണമെന്ന് വിദ്യാർഥികൾ ആവശ്യപ്പെട്ടു. എന്നാൽ സമരത്തിനിടെ കർശനമായ കർഫ്യൂ സമയം ഏർപ്പെടുത്തുമെന്ന് വാർഡൻ ഭീഷണിപ്പെടുത്തിയതോടെ സ്ഥിതിഗതികൾ വഷളായി. വെള്ളിയാഴ്ച പുലർച്ചെ പോലീസ് സൂപ്രണ്ട് വി വരുൺ കുമാർ ഇടപെട്ട് വനിതാ ഹോസ്റ്റലിലെ സുരക്ഷാ വീഴ്ചകൾ പരിഹരിക്കാൻ ഇൻസ്റ്റിറ്റ്യൂട്ട് മാനേജ്മെൻ്റിന് നിർദ്ദേശം നൽകുമെന്ന് വിദ്യാർത്ഥികൾക്ക് ഉറപ്പ് നൽകി.

മോദി ആർഎസ്എസ് ആസ്ഥാനത്ത്

എൻഐടി ട്രിച്ചി ഡയറക്ടർ ജി അഖില പ്രതിഷേധിക്കുന്ന വിദ്യാർത്ഥികളെ കാണുകയും കൂടുതൽ കർശനമായ സുരക്ഷാ നടപടികൾ നടപ്പിലാക്കുമെന്ന് വാഗ്ദാനം നൽകുകയും പ്രതിഷേധത്തിൻ്റെ പേരിൽ ഒരു ശിക്ഷാ നടപടിയും സ്വീകരിക്കില്ലെന്ന് സമരക്കാർക്ക് ഉറപ്പുനൽകുകയും ചെയ്തു. എൻഐടി വാർഡനെതിരെ വിദ്യാർഥികൾ പരാതി നൽകിയാൽ നിയമനടപടി സ്വീകരിക്കുമെന്ന് കലക്ടർ വ്യക്തമാക്കി.

Story Highlights: NIT Trichy student sexually harassed, protests erupt over warden’s victim-blaming

മുടി സംബന്ധിച്ച പരാമർശം ലൈംഗികാതിക്രമമല്ല: ബോംബെ ഹൈക്കോടതി