Sexual assault case against Maniyanpilla Raju and others in Kochi

കൊച്ചിയിലെ നടിയുടെ ലൈംഗികാതിക്രമ പരാതിയില് നടന് മണിയന്പിള്ള രാജുവിനെതിരെ പൊലീസ് കേസെടുത്തു. ഐപിസി 356, 376 വകുപ്പുകള് പ്രകാരമാണ് കേസെടുത്തത്. ഡാ തടിയാ എന്ന സിനിമയുടെ സെറ്റില് വച്ച് തനിക്കുനേരെ ലൈംഗികാതിക്രമം നടത്തിയെന്നാണ് നടിയുടെ പരാതി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

നടിയുടെ പരാതിയില് മുകേഷ്, ജയസൂര്യ, ഇടവേള ബാബു എന്നീ താരങ്ങള്ക്കെതിരെയും പ്രൊഡക്ഷന് കണ്ട്രോളര് നോബിള്, ലോയേഴ്സ് കോണ്ഗ്രസ് പ്രസിഡന്റ് ചന്ദ്രശേഖരന്, പ്രൊഡക്ഷന് എക്സിക്യൂട്ടീവ് വിച്ചു എന്നിവര്ക്കെതിരെയും കേസെടുത്തിട്ടുണ്ട്. പ്രത്യേക അന്വേഷണ സംഘം കഴിഞ്ഞ ദിവസം നടിയുടെ മൊഴി രേഖപ്പെടുത്തിയിരുന്നു. ഐപിസി 354 പ്രകാരമാണ് മുകേഷിനെതിരെ കേസെടുത്തിരിക്കുന്നത്.

നാടകമേ ഉലകം എന്ന ചിത്രത്തിന്റെ ചിത്രീകരണത്തിനിടെ മുകേഷ് തന്നോട് ലൈംഗിക അതിക്രമം കാട്ടിയെന്നായിരുന്നു നടിയുടെ പരാതി. കൊച്ചിയിലെ നടിയുടെ പരാതിയില് ഏഴ് കേസുകളാണ് രജിസ്റ്റര് ചെയ്തിരിക്കുന്നത്. ആറ് കേസുകള് എറണാകുളത്തും ഒരു കേസ് തിരുവനന്തപുരത്തുമാണ് രജിസ്റ്റര് ചെയ്തത്.

പാക് അധീന കശ്മീരിൽ സംഘർഷം; വെടിവെപ്പിൽ രണ്ട് മരണം, 22 പേർക്ക് പരിക്ക്

നാല് സിനിമാ താരങ്ങള് ഉള്പ്പെടെ ഏഴ് പേര്ക്കെതിരെയാണ് കേസ്. ജാമ്യമില്ലാ വകുപ്പ് പ്രകാരമാണ് ജയസൂര്യയ്ക്കെതിരെയും കേസെടുത്തിരിക്കുന്നത്. എല്ലാ തെളിവുകളും അന്വേഷണ സംഘത്തിന് കൈമാറുമെന്ന് പരാതി നല്കിയ നടി പ്രതികരിച്ചു.

Story Highlights: Police file sexual assault case against actor Maniyanpilla Raju and others based on actress complaint in Kochi

ദാദാ ഫാൽക്കെ പുരസ്കാരം മലയാളത്തിന് സമർപ്പിച്ച് മോഹൻലാൽ