കേരളത്തിലെ നാലു ജില്ലകളിൽ അനുഭവപ്പെട്ട പ്രകമ്പനത്തെക്കുറിച്ച് ആശങ്കപ്പെടേണ്ടതില്ലെന്ന് നാഷണൽ സെന്റർ ഫോർ സീസ്മോളജി ഡയറക്ടർ ഒപി മിശ്ര വ്യക്തമാക്കി. ഇത് ഭൂചലനമല്ല, മറിച്ച് വലിയ മണ്ണിടിച്ചിലുണ്ടായ മേഖലകളിൽ സ്വാഭാവികമായി സംഭവിക്കാറുള്ള പ്രതിഭാസമാണ്. ഫ്രിക്ഷണൽ എനർജി മൂലമാണ് ഇത്തരം ഉഗ്രശബ്ദവും മുഴക്കവും പ്രകമ്പനവുമുണ്ടാകുന്നത്.
കേരളത്തിലെ സീസ്മോളജി കേന്ദ്രങ്ങളിൽ ഭൂചലനം റിപ്പോർട്ട് ചെയ്തിട്ടില്ല. മാഗ്നിറ്റ്യൂഡ് 3 മുതലുള്ള ഭൂചലനങ്ങൾ മാത്രമേ റിപ്പോർട്ട് ചെയ്യപ്പെടുകയുള്ളൂ. ഉണ്ടായത് പ്രകമ്പനം മാത്രമാണെന്നും ആശങ്കപ്പെടേണ്ട സാഹചര്യമില്ലെന്നും അദ്ദേഹം വിശദീകരിച്ചു.
കേരള സർവകലാശാല ജിയോളജി മുൻ വിഭാഗം മേധാവി ത്രിവിക്രംജി പറഞ്ഞത്, പ്രകമ്പനം സ്വാഭാവികമാണ്. അതിതീവ്രമഴയാണ് ഭൂകമ്പം ഉണ്ടാക്കുന്നതിൽ ഒരു പ്രധാന കാരണം. എന്നാൽ മഴ മാറിയതിനാൽ ഭൂകമ്പസാധ്യത തള്ളിക്കളയാം. കേരളത്തിൽ ഭൂകമ്പമുണ്ടാകാനുള്ള സാധ്യത കുറവാണ്. ഇവിടെ ഉണ്ടാകുന്നത് പ്രകമ്പനങ്ങളാണ്. അവയുടെ പ്രഭവകേന്ദ്രം അറേബ്യൻ കടലിലെ അടിത്തട്ടിലാണ്. പ്രകമ്പനങ്ങൾ സംസ്ഥാനത്തുണ്ടാകുന്നത് സ്വാഭാവികമാണ്.
Story Highlights: Seismology experts say tremors felt in Kerala were not earthquakes but natural phenomena caused by friction energy, and there is no need for concern.
Image Credit: twentyfournews
