സെബി ചെയർപേഴ്സൺ മാധബി പുരി ബുച്ചിനെതിരെ പുതിയ വെളിപ്പെടുത്തലുകൾ പുറത്തുവന്നിരിക്കുകയാണ്. റോയിട്ടേഴ്സ് വാർത്താ ഏജൻസിയുടെ റിപ്പോർട്ട് പ്രകാരം, മാധബി ബുച്ച് കൺസൾട്ടൻസി സ്ഥാപനങ്ങൾ വഴി കോടികൾ നേടിയതായി വ്യക്തമാകുന്നു. സെബി ചെയർപേഴ്സൺ സ്ഥാനത്തിരിക്കെ ഏഴു വർഷം കൊണ്ട് 3.71 കോടി രൂപ നേടിയെന്നാണ് റിപ്പോർട്ടിൽ പറയുന്നത്.
സിംഗപ്പൂരിൽ ആസ്ഥാനമായുള്ള ഒരു കൺസൾട്ടൻസി സ്ഥാപനത്തിന്റെ 99 ശതമാനം ഓഹരികളും മാധബിയുടെ പേരിലാണെന്നും വെളിപ്പെടുത്തലുകളിൽ പറയുന്നു. ഈ വെളിപ്പെടുത്തലുകൾ പുറത്തുവരുന്നത് ഹിൻഡൻബർഗ് റിപ്പോർട്ട് പുറത്തുവന്നതിനു ശേഷം ഉയർന്ന രാഷ്ട്രീയ വിവാദങ്ങൾക്ക് പിന്നാലെയാണ്.
മാധബി പുരി ബുച്ചും ഭർത്താവ് ധവാൽ ബുച്ചും 2015ലും 2018ലും അദാനിയുടെ ഷെൽ കമ്പനികളിൽ നിക്ഷേപം നടത്തിയതായി ഹിൻഡൻബർഗ് നേരത്തെ വെളിപ്പെടുത്തിയിരുന്നു. ബർമുഡ, മൗറീഷ്യസ് എന്നിവിടങ്ങളിലെ കടലാസ് കമ്പനികളിൽ ഇവർ നിക്ഷേപം നടത്തിയെന്നും, ഈ കമ്പനികൾ പിന്നീട് അദാനി ഗ്രൂപ്പുമായി ബന്ധപ്പെട്ട ഇടപാടുകളിൽ പങ്കാളികളായെന്നുമാണ് ഹിൻഡൻബർഗിന്റെ ആരോപണം.
Story Highlights: SEBI chief Madhabi Puri Buch earned millions through consultancy firms, raising conflict of interest concerns
