SDPI Criticizes Suresh Gopi's Controversial Waqf Statement

വഖഫ് വിഷയത്തിൽ കേന്ദ്ര മന്ത്രി സുരേഷ് ഗോപിയുടെ പ്രസ്താവനയ്ക്കെതിരെ എസ്ഡിപിഐ രംഗത്തെത്തി. സുരേഷ് ഗോപിയുടെ പ്രസ്താവന കാളകൂട വിഷം പോലെയാണെന്ന് എസ്ഡിപിഐ സംസ്ഥാന പ്രസിഡന്റ് വി അബ്ദുൾ ഹമീദ് വിമർശിച്ചു. സുരേഷ് ഗോപി കേരള രാഷ്ട്രീയത്തിൽ അധമനായ കോമാളിയാണെന്നും അക്ഷരജ്ഞാനം പോലുമില്ലെന്നും അദ്ദേഹം കൂട്ടിച്ചേർത്തു. മുനമ്പം വിഷയം നിഴലിനോടുള്ള യുദ്ധമാണെന്നും വർഗീയ ദ്രുവീകരണത്തിനുള്ള ശ്രമമാണ് നടക്കുന്നതെന്നും വി അബ്ദുൾ ഹമീദ് വ്യക്തമാക്കി. ഭൂമി വിലകൊടുത്ത് വാങ്ങിയവരെ കുടിയിറക്കരുതെന്നും അദ്ദേഹം ആവശ്യപ്പെട്ടു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വയനാട്ടിൽ ബിജെപി തിരഞ്ഞെടുപ്പ് പ്രചാരണ യോഗത്തിൽ സംസാരിക്കവെയാണ് സുരേഷ് ഗോപി വിവാദ പ്രസ്താവന നടത്തിയത്. വഖഫ് നിയമം ഇംഗ്ലീഷിൽ നാല് അക്ഷരത്തിലൊതുങ്ങുന്ന കിരാതമാണെന്നും അത് പൂട്ടിക്കെട്ടിക്കുമെന്നുമായിരുന്നു അദ്ദേഹത്തിന്റെ വാക്കുകൾ. അമിത് ഷായുടെ ഓഫീസില് നിന്ന് ഇതുമായി ബന്ധപ്പെട്ട ഒരു വീഡിയോ കിട്ടിയതായും അത് മണ്ഡലത്തിലെ നേതാക്കള്ക്ക് കൈമാറിയതായും സുരേഷ് ഗോപി പറഞ്ഞു. മുനമ്പത്തെ സ്ഥിതി മണിപ്പൂരിന് സമാനമാണെന്നും അദ്ദേഹം കൂട്ടിച്ചേർത്തു.

മുഖ്യമന്ത്രിയുടെ പ്രൈവറ്റ് സെക്രട്ടറിയായി എ പ്രദീപ് കുമാർ ചുമതലയേറ്റു

സുരേഷ് ഗോപിയുടെ പ്രസ്താവനയ്ക്കെതിരെ മുസ്ലിംലീഗ് നേതാവ് പി കെ കുഞ്ഞാലികുട്ടിയും രംഗത്തെത്തി. കേന്ദ്ര സർക്കാരിന്റെത് ഭിന്നിപ്പിക്കുന്ന തന്ത്രമാണെന്നും തമ്മിൽ തല്ലിക്കാനാണ് നീക്കമെന്നും അദ്ദേഹം കുറ്റപ്പെടുത്തി. മുനമ്പത്ത് സമാധാനം കൊണ്ടു വരേണ്ടവർ കലക്കാനാണ് ശ്രമിക്കുന്നതെന്നും കുഞ്ഞാലികുട്ടി ആരോപിച്ചു. എന്നാൽ, സുരേഷ് ഗോപി ‘വഖഫ്’ എന്ന വാക്ക് ഉപയോഗിച്ചിട്ടില്ലെന്നും സമത്വമാണ് ഉദ്ദേശിച്ചതെന്നുമാണ് വയനാട് ബിജെപി സ്ഥാനാർത്ഥിയായ നവ്യ ഹരിദാസിന്റെ വാദം.

Story Highlights: SDPI criticizes Union Minister Suresh Gopi’s controversial statement on Waqf issue, calling it divisive and communal.

“മാറാത്തത് ഇനി മാറും”: സർക്കാരിനെതിരെ രാജീവ് ചന്ദ്രശേഖർ, ഷൈൻലാലിന് ബിജെപി അംഗത്വം