മലപ്പുറം : അധ്യാപകനായ കൊല്ലം പുനലൂർ സ്വദേശി ബെനഡിക്റ്റിനെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി.
എടപ്പാൾ ഗവൺമെന്റ് ഹയർസെക്കൻഡറി സ്‌കൂളിലെ സീനിയർ അധ്യാപകനായ ബെനഡിക്റ്റിനെ വാടക ക്വാർട്ടേഴ്‌സിലാണ് മരിച്ചനിലയിൽ കണ്ടെത്തിയത്.
കഴിഞ്ഞ രണ്ട് വർഷമായി എടപ്പാൾ ഗവൺമെന്റ് ഹയർസെക്കൻഡറി സ്‌കൂളിൽ പൊളിറ്റിക്കൽ സയൻസ് അധ്യാപകനായി സേവനമനുഷ്ഠിച്ചു വരികയായിരുന്നു ബെനഡിക്റ്റ്.
സ്‌കൂളിനോട് ചേർന്നുള്ള വാടക ക്വാർട്ടേഴ്‌സിൽ ഒറ്റയ്ക്കായിരുന്നു ബെനഡിക്റ്റ് താമസിച്ചിരുന്നത്.
ബെനഡിക്റ്റിനെ കാണാത്തതിനെ തുടർന്ന് സമീപവാസികൾ നടത്തിയ തിരച്ചിലിൽ ക്വാർട്ടേഴ്‌സിൽ നിന്ന് ദുർഗന്ധം വമിക്കുന്നത് കണ്ടെത്തുകയും തുടർന്ന് നാട്ടുകാർ ചെങ്ങരംകുളം പൊലീസിൽ വിവരം അറിയിക്കുകയായിരുന്നു.
പോലീസ് സ്ഥലത്തെത്തി ക്വാർട്ടേഴ്‌സിന്റെ വാതിൽ തകർത്താണ് അകത്തുകയറിയത്.
പരിശോധനയിൽ അഴുകിയ നിലയിൽ മൃതദേഹം കണ്ടെത്തുകയായിരുന്നു. സംഭവത്തിൽ പൊലീസ് കേസെടുത്ത് അന്വേഷണം ആരംഭിച്ചതായി അറിയിച്ചു.
Story highlight : School teacher found dead in Malappuram.
