SBI Youth for India Fellowship 2025-26: Apply Now

എസ്ബിഐ യൂത്ത് ഫോർ ഇന്ത്യ ഫെലോഷിപ്പിന്റെ 2025-26 ബാച്ചിലേക്ക് അപേക്ഷ ക്ഷണിച്ചു. ഗ്രാമവികസന പ്രവർത്തനങ്ങളിൽ പരിശീലനം നൽകുക എന്ന ലക്ഷ്യത്തോടെ എസ്ബിഐ ഫൗണ്ടേഷന്റെ ആഭിമുഖ്യത്തിലാണ് ഈ പദ്ധതി നടപ്പിലാക്കുന്നത്. തിരഞ്ഞെടുക്കപ്പെടുന്നവർക്ക് സാങ്കേതികവിദ്യ, സ്ത്രീശാക്തീകരണം, സ്വയംഭരണം, സാമൂഹിക സംരംഭകത്വം, പരിസ്ഥിതിസംരക്ഷണം തുടങ്ങിയ മേഖലകളിൽ പ്രവർത്തിക്കാൻ അവസരം ലഭിക്കും. പരമ്പരാഗത കരകൗശലം, ആരോഗ്യം, ഗ്രാമീണ ഉപജീവനം, ഭക്ഷ്യസുരക്ഷ, വിദ്യാഭ്യാസം, ജലം, ഊർജ്ജം, അടിസ്ഥാനസൗകര്യ വികസനം എന്നിവയും ഫെലോഷിപ്പിന്റെ ഭാഗമാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഈ വർഷം ഒക്ടോബർ ഒന്നിന് മുമ്പ് ബാച്ചിലർ ബിരുദം പൂർത്തിയാക്കിയിരിക്കണം എന്നതാണ് പ്രധാന യോഗ്യത. 21 നും 32 നും ഇടയിൽ പ്രായമുള്ളവർക്ക് അപേക്ഷിക്കാം. സമർപ്പണബുദ്ധിയോടെ ഗ്രാമതല പ്രവർത്തനങ്ങളിൽ ഏർപ്പെടാനുള്ള ഇഷ്ടവും തിരഞ്ഞെടുപ്പിന് നിർണായകമാണ്. അപേക്ഷകരുടെ ലോകവീക്ഷണം, മനോഭാവം, ഫെലോഷിപ്പിനോടുള്ള സമീപനം എന്നിവയും വിലയിരുത്തപ്പെടും.

പതിമൂന്നോളം എൻജിഒകൾ ഭാഗമാകുന്ന ഈ പദ്ധതിയിലൂടെ 13 മാസത്തെ ഫുൾടൈം പരിശീലനമാണ് നൽകുന്നത്. https://change. youthforindia. org എന്ന സൈറ്റിൽ വ്യക്തിഗത വിവരങ്ങൾ നൽകി, ഒടിപി വഴി രജിസ്റ്റർ ചെയ്യാം.

സാങ്കേതിക സർവകലാശാല വിസി നിയമനം: മുൻഗണനാ പട്ടിക തയ്യാറാക്കി മുഖ്യമന്ത്രി

തിരഞ്ഞെടുക്കപ്പെട്ടാൽ ഓൺലൈൻ വിലയിരുത്തലും തുടർന്ന് അഭിമുഖവും ഉണ്ടായിരിക്കും. രണ്ടാമത്തെ ഘട്ടത്തിലെ വിശദാംശങ്ങൾ വെബ്സൈറ്റിൽ പബ്ലിഷ് ചെയ്യും. മാസം 16,000 രൂപ ഫെലോഷിപ്പ് ലഭിക്കും. യാത്രപ്പടി ഉൾപ്പെടെയുള്ള ചെലവുകൾക്കായി 3000 രൂപയും ലഭിക്കും.

13 മാസത്തെ പരിശീലനം പൂർത്തിയാക്കുന്നവർക്ക് 90,000 രൂപ റീഅഡ്ജസ്റ്റ്മെന്റ് അലവൻസും ലഭിക്കും. അപേക്ഷ നൽകുമ്പോൾ താൽപര്യങ്ങളും ലക്ഷ്യങ്ങളും വ്യക്തമാക്കേണ്ടതാണ്. ഫെലോഷിപ്പിനായി ഒസിഐ വിഭാഗക്കാർക്കും അപേക്ഷിക്കാവുന്നതാണ്.

Story Highlights: SBI Youth for India Fellowship invites applications for its 2025-26 batch, offering a 13-month rural development training program with a monthly stipend of Rs. 16,000.

യുഎസ് ഇന്ത്യ വ്യാപാര കരാറിൽ പെട്ടന്നുള്ള തീരുമാനമുണ്ടാകില്ലെന്ന് പീയുഷ് ഗോയൽ