Saji Cherian Slams Muslim League for Alleged Extremist Ties

മുസ്ലിം ലീഗിനെതിരെ കടുത്ത വിമർശനവുമായി സജി ചെറിയാൻ രംഗത്തെത്തി. ലീഗിനകത്ത് ഒരു വിഭാഗം തീവ്ര ചിന്താഗതിക്കാരുമായി സഹകരിക്കുന്നുവെന്നും നേതൃത്വം അറിഞ്ഞോ അറിയാതെയോ തെറ്റായ ദിശയിൽ പോകുന്നുവെന്നും അദ്ദേഹം ആരോപിച്ചു. ലീഗിനകത്ത് തിരുത്തൽ പ്രക്രിയ ഉണ്ടാവണമെന്നും അദ്ദേഹം ആവശ്യപ്പെട്ടു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മുഖ്യമന്ത്രി പാണക്കാട് തങ്ങളെ അപമാനിച്ചിട്ടില്ലെന്നും ലീഗിന്റെ സംസ്ഥാന അധ്യക്ഷനെയാണ് വിമർശിച്ചതെന്നും സജി ചെറിയാൻ വിശദീകരിച്ചു. ജാതീയമായ ചേരിതിരിവ് ഉണ്ടാക്കി വോട്ട് നേടാനുള്ള ശ്രമമാണ് ലീഗ് നടത്തുന്നതെന്നും അദ്ദേഹം കുറ്റപ്പെടുത്തി. എസ്ടിപിഐ, ജമാഅത്തെ ഇസ്ലാമി തുടങ്ങിയ തീവ്ര വലതുപക്ഷ സംഘടനകളെ അകറ്റിനിർത്താൻ മുസ്ലിംലീഗ് തയ്യാറാവണമെന്നും അദ്ദേഹം ആവശ്യപ്പെട്ടു.

എന്നാൽ, മുഖ്യമന്ത്രിയുടെ വിമർശനത്തിനെതിരെ ശക്തമായി പ്രതികരിച്ചിരിക്കുകയാണ് ലീഗ് മുഖപത്രമായ ചന്ദ്രിക. മുഖ്യമന്ത്രിയുടെ അസ്വസ്ഥതയ്ക്ക് കാരണം സംഘപരിവാറുമായുള്ള ബന്ധമാണെന്ന് ചന്ദ്രിക ആരോപിച്ചു. സാദിഖലി തങ്ങളെ ലക്ഷ്യം വയ്ക്കുന്നതിലൂടെ രാജ്യം തകർക്കാൻ ആഗ്രഹിക്കുന്ന സംഘപരിവാർ താത്പര്യങ്ങൾക്ക് കൈത്താങ്ങ് നൽകുകയാണ് മുഖ്യമന്ത്രി പിണറായി വിജയൻ ചെയ്യുന്നതെന്നും ചന്ദ്രിക കുറ്റപ്പെടുത്തി.