Saif Ali Khan Discharged, Fingerprint Evidence Crucial

സെയ്ഫ് അലി ഖാൻ ആശുപത്രി വിട്ടു; പ്രതിയുടെ വിരലടയാളം നിർണായക തെളിവ് അഞ്ചു ദിവസത്തെ ആശുപത്രി വാസത്തിനു ശേഷം ബോളിവുഡ് താരം സെയ്ഫ് അലി ഖാൻ ആശുപത്രി വിട്ടു. മുംബൈയിലെ ലീലാവതി ആശുപത്രിയിൽ നിന്നും ഡിസ്ചാർജ് ചെയ്ത താരം തന്റെ വസതിയായ ഫോർച്യൂൺ ഹൈറ്റ്സിലേക്കാണ് മടങ്ങിയത്. കയ്യിലും കഴുത്തിലും ചെവിക്ക് പിന്നിലും ബാൻഡേജുമായാണ് താരം ആശുപത്രി വിട്ടത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ആരാധകരെ കൈവീശി കാണിച്ച താരത്തിന് നിരവധി പരുക്കുകൾ ഏറ്റിരുന്നു. നടൻ സെയ്ഫ് അലി ഖാന്റെ വീട്ടിൽ നുഴഞ്ഞുകുത്തിയ കേസിലെ പ്രതിയെ പോലീസ് സംഭവസ്ഥലത്ത് എത്തിച്ച് തെളിവെടുപ്പ് നടത്തി. രാജ്ഭാരി സ്വദേശിയായ മുഹമ്മദ് ഷെറീഫുൾ ഇസ്ലാമിനെയാണ് പോലീസ് ഫ്ലാറ്റിൽ എത്തിച്ചത്.

ഫയർ എക്സിറ്റ് വഴി ഏഴാം നിലയിലെത്തിയ പ്രതി പൈപ്പിൽ പിടിച്ച് കയറിയാണ് അകത്തുകടന്നതെന്ന് പോലീസ് പറഞ്ഞു. നടന്ന സംഭവങ്ങൾ പുനരാവിഷ്കരിക്കാനായി പ്രതിയെ ആദ്യം ബാന്ദ്ര റെയിൽവേ സ്റ്റേഷനിലും തുടർന്ന് ഫ്ലാറ്റിലും എത്തിച്ചു. പ്രതിയുടെ പത്തൊൻപത് വിരലടയാളങ്ങൾ ഗോവണിയിൽ നിന്നും കുളിമുറിയുടെ ജനലിൽ നിന്നും പൈപ്പിൽ നിന്നും ലഭിച്ചിട്ടുണ്ട്.

റെഡ് റേഞ്ച് റോവറിൽ മമ്മൂട്ടി; ‘പാട്രിയറ്റ്’ ലൊക്കേഷൻ വീഡിയോ വൈറൽ

ഇത് കേസന്വേഷണത്തിൽ നിർണായകമാണെന്ന് പോലീസ് അറിയിച്ചു. നാട്ടിലേക്ക് മടങ്ങാൻ പണം കണ്ടെത്താനാണ് മോഷണത്തിന് ശ്രമിച്ചതെന്ന് പ്രതി പോലീസിനോട് പറഞ്ഞു. ബംഗ്ലാദേശിൽ ഗുസ്തി താരമാണെന്നും പ്രതി അവകാശപ്പെട്ടു.

പ്രതിക്ക് പുറമെ നിന്ന് ആരെങ്കിലും സഹായം നൽകിയോ എന്ന് പോലീസ് അന്വേഷിക്കുന്നുണ്ട്. സെയ്ഫ് അലി ഖാനുമായുണ്ടായ സംഘർഷവും പ്രതീകാത്മകമായി പുനരാവിഷ്കരിച്ചു.

Story Highlights: Saif Ali Khan was discharged from the hospital after a five-day stay following an attack at his residence.

ട്രെയിനിൽ നിന്ന് തേങ്ങ തലയിൽ വീണ് യുവാവിന് ദാരുണാന്ത്യം