Saif Ali Khan Attacked, Rushed to Hospital in Auto-Rickshaw

ബാന്ദ്രയിലെ വസതിയിൽ വെച്ച് കുത്തേറ്റ സെയ്ഫ് അലി ഖാനെ മകൻ ഇബ്രാഹിം ലീലാവതി ആശുപത്രിയിലെത്തിച്ചത് ഓട്ടോറിക്ഷയിലാണ്. വ്യാഴാഴ്ച രാവിലെയാണ് സെയ്ഫിന് നിരവധി തവണ കുത്തേറ്റത്. സമയം ഒട്ടും കളയാനില്ലാത്തതിനാലും പരിഭ്രാന്തിയോടെ ഡ്രൈവ് ചെയ്യേണ്ടെന്നും കരുതിയാണ് കാർ ഉപേക്ഷിച്ച് ഓട്ടോറിക്ഷയിൽ ആശുപത്രിയിലേക്ക് പോയത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

23 വയസ്സുള്ള ഇബ്രാഹിം ആണ് രക്തം വാർന്ന് കിടന്ന പിതാവിനെ ഓട്ടോറിക്ഷയിൽ കയറ്റി ആശുപത്രിയിലെത്തിച്ചത്. വീട്ടിൽ നിന്ന് രണ്ട് കിലോമീറ്റർ മാത്രം അകലെയാണ് ആശുപത്രി. സെയ്ഫിന്റെ ഭാര്യയും നടിയുമായ കരീന കപൂർ ഖാൻ ഓട്ടോറിക്ഷയ്ക്ക് സമീപം നിൽക്കുന്നതും വീട്ടുജോലിക്കാരുമായി സംസാരിക്കുന്നതും ഉൾപ്പെട്ട വീഡിയോയും പുറത്തുവന്നിട്ടുണ്ട്.

മകന്റെ മുറിയിൽ കയറാൻ ശ്രമിച്ച കള്ളനുമായുള്ള മൽപ്പിടുത്തത്തിനിടെയാണ് 54കാരനായ സെയ്ഫ് അലി ഖാന് കുത്തേറ്റത്. രണ്ട് കുത്തുകൾ ആഴത്തിലും ഒന്ന് നട്ടെല്ലിന് സമീപവുമായിരുന്നു. സെയ്ഫിനെ ഉടൻ തന്നെ ശസ്ത്രക്രിയയ്ക്ക് വിധേയനാക്കി. ശരീരത്തിൽ നിന്ന് കത്തിയുടെ കഷണം നീക്കം ചെയ്തിട്ടുണ്ട്.

സെയ്ഫ് അലി ഖാൻ ഇപ്പോൾ അപകടനില തരണം ചെയ്തെങ്കിലും ഐസിയുവിൽ തുടരുകയാണ്. കുത്തേറ്റ സെയ്ഫിനെ മകൻ ഓട്ടോറിക്ഷയിൽ ആശുപത്രിയിലെത്തിച്ച സംഭവം ഏറെ ചർച്ചയായിരിക്കുകയാണ്. കാർ ഉപേക്ഷിച്ച് ഓട്ടോറിക്ഷയിൽ പോയതിനെ കുറിച്ച് പലവിധ അഭിപ്രായങ്ങളും ഉയർന്നുവരുന്നുണ്ട്.

After the attack at Saif Ali Khan’s Bandra West residence, he was rushed to Lilavati Hospital in an auto-rickshaw. Considering he owns several luxury cars, why was an auto chosen over an ambulance or his own car? pic.twitter.com/L353FXRwRO

— Meme Farmer (@craziestlazy) January 16, 2025

Story Highlights: Saif Ali Khan, after being attacked at his Bandra residence, was taken to the hospital in an auto-rickshaw by his son Ibrahim.

സെയ്ഫ് അലി ഖാനെ കുത്തിയ പ്രതി പിടിയിൽ

സെയ്ഫ് അലി ഖാൻ ആക്രമണം: കരീന കപൂർ മൊഴി നൽകി