Saif Ali Khan Attack: Kareena Kapoor Gives Statement

സെയ്ഫ് അലി ഖാന് നേരെയുണ്ടായ ആക്രമണത്തിൽ കരീന കപൂർ മൊഴി നൽകി. ബാന്ദ്രയിലെ വീട്ടിൽ വ്യാഴാഴ്ച പുലർച്ചെയാണ് സംഭവം നടന്നത്. ഫ്ലാറ്റിൽ നിന്ന് ഒന്നും മോഷണം പോയിട്ടില്ലെന്ന് കരീന പോലീസിനോട് പറഞ്ഞു. സെയ്ഫിനെ കഴുത്തിലും നട്ടെല്ലിന് സമീപവും കുത്തിപ്പരിക്കേൽപ്പിച്ച ശേഷം അക്രമി ഓടി രക്ഷപ്പെടുകയായിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സെയ്ഫ് ഒറ്റയ്ക്കാണ് അക്രമിയെ നേരിട്ടതെന്നും കരീന പറഞ്ഞു. തന്നെയും കുട്ടിയെയും നാനിയെയും പന്ത്രണ്ടാം നിലയിലേക്ക് കയറ്റി വിട്ട ശേഷമാണ് സെയ്ഫ് അക്രമിയെ നേരിട്ടത്. ദേഷ്യത്തിൽ നടനെ അക്രമി കുത്തി എന്നും കരീന കൂട്ടിച്ചേർത്തു. ആ സംഭവം കണ്ടു നിൽക്കാനേ തനിക്ക് കഴിഞ്ഞുള്ളുവെന്നും കരീന പറഞ്ഞു.

സംഭവത്തിനു ശേഷം സഹോദരി കരിഷ്മ കപൂർ എത്തിയാണ് അവരുടെ വീട്ടിലേക്ക് തങ്ങളെ കൂട്ടിക്കൊണ്ടു പോയതെന്നും കരീന വെളിപ്പെടുത്തി. അതേസമയം സംഭവവുമായി ബന്ധപ്പെട്ട് ഒരാളെ മുംബൈ പൊലീസ് കസ്റ്റഡിയിലെടുത്തു. മധ്യപ്രദേശിൽ നിന്നാണ് പ്രതിയെന്ന് സംശയിക്കുന്നയാളെ പിടികൂടിയത്.

സെയ്ഫ് അലി ഖാൻ കുത്താക്രമണം: പ്രതിയെ പിടികൂടാനാകാതെ മുംബൈ പോലീസ്; പുതിയ ദൃശ്യങ്ങൾ പുറത്ത്

ലീലാവതി ആശുപത്രിയിൽ പ്രവേശിപ്പിച്ച സെയ്ഫിനെ അടിയന്തര ശസ്ത്രക്രിയയ്ക്ക് വിധേയനാക്കി. നടൻ അപകടനില തരണം ചെയ്തതായി ഡോക്ടർമാർ അറിയിച്ചു. ഇയാളെ പോലീസ് ചോദ്യം ചെയ്തു വരികയാണെന്നാണ് ദേശീയ മാധ്യമങ്ങൾ റിപ്പോർട്ട് ചെയ്യുന്നത്.

Story Highlights: Kareena Kapoor gave a statement on the attack on Saif Ali Khan, saying nothing was stolen from the flat.

സെയ്ഫ് അലി ഖാനെ ആശുപത്രിയിലെത്തിച്ച ഓട്ടോ ഡ്രൈവറുടെ വെളിപ്പെടുത്തൽ