Sabarimala Police Photoshoot Controversy: Officers Recalled

ശബരിമലയിലെ പതിനെട്ടാംപടിയില് പൊലീസുകാര് തിരിഞ്ഞുനിന്ന് ഫോട്ടോയെടുത്ത സംഭവത്തില് വിവാദം ഉയര്ന്നിരിക്കുകയാണ്. ഡ്യൂട്ടിക്ക് ശേഷം ആദ്യ ബാച്ചിലെ പൊലീസുകാരാണ് ഈ വിവാദാസ്പദമായ നടപടിക്ക് മുതിര്ന്നത്. സംഭവം വിവാദമായതോടെ അന്വേഷണവുമായി ബന്ധപ്പെട്ട് അടിയന്തര മീറ്റിംഗ് ചേരുന്നുണ്ട്. എ.ഡി.ജി.പി, ഡി.ഐ.ജി എന്നിവര് ഉടന് എസ് എ പി ക്യാമ്പിലെത്തുമെന്നും റിപ്പോര്ട്ടുകളുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മേല്ശാന്തി ഉള്പ്പെടെ എല്ലാവരും അയ്യപ്പനെ തൊഴുത് പിന്നോട് നടന്നിറങ്ങുന്നതാണ് ആചാരം. എന്നാല് പൊലീസുകാര് അയ്യപ്പന് പുറംതിരിഞ്ഞുനിന്ന് ഫോട്ടോഷൂട്ട് നടത്തിയതിനെതിരെ സമൂഹമാധ്യമങ്ങളില് രൂക്ഷവിമര്ശനം ഉയര്ന്നിരുന്നു. പിന്നാലെ പരസ്യ വിമര്ശനവുമായി വിശ്വഹിന്ദു പരിഷത്ത് കേരള ഘടകവും രംഗത്തെത്തി. ഫോട്ടോഷൂട്ടിന് പൊലീസുകാര്ക്ക് ഒത്താശ നല്കിയത് മുഖ്യമന്ത്രിയാണെന്ന് വിശ്വഹിന്ദു പരിഷത്ത് ആരോപിച്ചു.

സംഭവത്തില് എഡിജിപി റിപ്പോര്ട്ട് തേടിയിട്ടുണ്ട്. സന്നിധാനം സ്പെഷ്യല് ഓഫിസര് കെ ഇ ബൈജുവിനോടാണ് റിപ്പോര്ട്ട് നല്കാന് ആവശ്യപ്പെട്ടിരിക്കുന്നത്. ഇത്തരം സംഭവങ്ങള് അനുവദനീയമല്ലെന്ന് ഹൈക്കോടതിയും പറഞ്ഞിരുന്നു. ശബരിമല ഡ്യൂട്ടിക്ക് ശേഷം അവധി അനുവദിച്ചിരുന്ന ഉദ്യോഗസ്ഥരെ അന്വേഷണത്തിന്റെ ഭാഗമായി തിരികെ വിളിച്ചിരിക്കുകയാണ്. തിങ്കളാഴ്ചയാണ് വിവാദമായ ഫോട്ടോഷൂട്ട് നടന്നത്.

ശബരിമല തീർത്ഥാടകരുടെ കാറിന് തീപിടിച്ചു; ആളപായമില്ല, തൃക്കാർത്തിക ദിനത്തിൽ വൻ തിരക്ക്

Story Highlights: Police officers recalled for investigation after controversial photoshoot at Sabarimala’s 18 steps

ശബരിമലയിൽ വീണ്ടും തിരക്ക്; സുരക്ഷ ശക്തമാക്കി