Sabarimala Gold Plating Controversy: More Actions Expected, Says Board President

പത്തനംതിട്ട◾: ശബരിമല സ്വര്ണ്ണപ്പാളി വിവാദത്തില് കൂടുതല് ഉദ്യോഗസ്ഥര്ക്കെതിരെ നടപടിയുണ്ടാകുമെന്ന സൂചന നല്കി തിരുവിതാംകൂര് ദേവസ്വം ബോര്ഡ് പ്രസിഡന്റ് പി.എസ്. പ്രശാന്ത്. മണ്ഡല മകരവിളക്ക് മഹോത്സവം അടുത്തിരിക്കെ വിവാദം എത്രയും പെട്ടെന്ന് അവസാനിപ്പിക്കണമെന്നാണ് ആഗ്രഹിക്കുന്നതെന്നും പി.എസ്. പ്രശാന്ത് അഭിപ്രായപ്പെട്ടു. ഹൈക്കോടതി ഉത്തരവിൻ്റെ അടിസ്ഥാനത്തിൽ നല്ല ഏജൻസി അന്വേഷണം നടത്തുന്നുണ്ടെന്നും അന്വേഷണത്തിൽ എല്ലാം തെളിഞ്ഞു വരട്ടെയെന്നും അദ്ദേഹം കൂട്ടിച്ചേർത്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വിജിലന്സിന്റെ അന്തിമ റിപ്പോര്ട്ട് ഈ ആഴ്ച കോടതിയിലെത്തുമെന്നാണ് മനസ്സിലാക്കുന്നതെന്നും അത് തനിക്കും ലഭിക്കാതിരിക്കില്ലെന്നും പി.എസ്. പ്രശാന്ത് മാധ്യമങ്ങളോട് പറഞ്ഞു. ദേവസ്വം ബോര്ഡിനെ സംബന്ധിച്ച് സമഗ്രമായ അന്വേഷണം നടക്കണമെന്നും അദ്ദേഹം ആവശ്യപ്പെട്ടു. സ്വര്ണ്ണപ്പാളിയുമായി ബന്ധപ്പെട്ട ചോദ്യങ്ങള്ക്കൊന്നും ഇപ്പോള് ഉത്തരം പറയാന് താന് ആളല്ലെന്നും അദ്ദേഹം വ്യക്തമാക്കി. ഈ വിഷയത്തില് ദേവസ്വം പ്രസിഡന്റിൻ്റെയും മെമ്പര്മാരുടെയും സ്വന്തം വീട്ടിലേക്ക് മാര്ച്ച് നടത്തുന്നവര് അത് ധാര്മികയ്ക്ക് നിരക്കുന്നതാണോ എന്ന് കൂടി ആലോചിക്കണമെന്നും അദ്ദേഹം കൂട്ടിച്ചേര്ത്തു.

വിരമിച്ച ഉദ്യോഗസ്ഥര് കുറ്റക്കാരെങ്കില് അവര്ക്കെതിരെ ഉള്പ്പെടെ നടപടിയെടുക്കുമെന്നും പി.എസ്. പ്രശാന്ത് കൂട്ടിച്ചേര്ത്തു. മണ്ഡല മകരവിളക്ക് മഹോത്സവത്തിന് എല്ലാവരും ഒരുങ്ങുമ്പോള് ഈ വിവാദം അവസാനിക്കണം എന്നാണ് ആഗ്രഹമെന്നും അദ്ദേഹം പറഞ്ഞു. വിജിലന്സ് റിപ്പോര്ട്ടിന് ശേഷം മുരാരി ബാബു ഉള്പ്പെടെയുള്ള ഉദ്യോഗസ്ഥര്ക്കെതിരെ തുടര്നടപടി തീരുമാനിക്കുമെന്നും പി.എസ്. പ്രശാന്ത് അറിയിച്ചു.

നിലമ്പൂരിൽ ലീഗിൽ പൊട്ടിത്തെറി; വിമത സ്ഥാനാർത്ഥികളെ നിർത്താൻ ആലോചന

അതേസമയം ഇത്തവണയും സ്വര്ണ്ണപ്പാളി ഉണ്ണികൃഷ്ണന് പോറ്റിയുടെ കൈവശം കൊടുത്തുവിടാ മെന്ന് മുരാരി ബാബു റിപ്പോര്ട്ട് നല്കിയെങ്കിലും ബോര്ഡ് ഒറ്റക്കെട്ടായി അത് തള്ളിയെന്നും പി.എസ്. പ്രശാന്ത് വ്യക്തമാക്കി.

story_highlight:P.S. Prasanth, President of the Travancore Devaswom Board, indicated that more officials will face action in the Sabarimala gold plating controversy.

ശബരിമല സ്വര്ണക്കൊള്ള: പത്മകുമാറിൻ്റെ പത്തനംതിട്ടയിലെ ഇടപാടുകളിൽ എസ്.ഐ.ടി അന്വേഷണം