Sabarimala: Dolly workers arrested, huge pilgrim rush continues

ശബരിമലയിൽ നാല് ഡോളി തൊഴിലാളികൾ അറസ്റ്റിലായി. ഭക്തരിൽ നിന്ന് അമിതമായി കൂലി ആവശ്യപ്പെടുകയും, പണം നൽകാൻ വിസമ്മതിച്ചതിനെ തുടർന്ന് തീർത്ഥാടകരെ തിരിച്ചയക്കുകയും ചെയ്തതിനാണ് ഇവരെ പമ്പ പൊലീസ് അറസ്റ്റ് ചെയ്തത്. ഇടുക്കി സ്വദേശികളായ സെൽവം, വിപിൻ, സെന്തിൽ കുമാർ, പ്രസാദ് എന്നിവരാണ് പിടിയിലായത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അതേസമയം, ശബരിമലയിൽ വൻ ഭക്തജന തിരക്കാണ് അനുഭവപ്പെടുന്നത്. ശനിയാഴ്ചയായതിനാൽ സന്നിധാനത്ത് വലിയ തിരക്കാണ് കാണപ്പെടുന്നത്. ഇന്ന് ദർശനം നടത്തിയവരുടെ എണ്ണം 50,000 കവിഞ്ഞു. മൂന്നുമണിവരെ സ്പോട്ട് ബുക്കിംഗ് വഴി 9,492 ഭക്തർ ദർശനം നടത്തി. കഴിഞ്ഞ രണ്ട് ദിവസങ്ങളിലും തീർത്ഥാടകരുടെ എണ്ണം 80,000 കടന്നിരുന്നു. തിരക്ക് വർധിക്കാനുള്ള സാധ്യത കണക്കിലെടുത്ത്, പമ്പ മുതൽ സന്നിധാനം വരെ കൂടുതൽ പോലീസ് സേനയെ വിന്യസിച്ചിട്ടുണ്ട്.

ഇതിനിടെ, ശബരിമലയിൽ ദർശനത്തിനായി എത്തിയ കർണാടക സ്വദേശി പുട്ടസ്വാമി ചരി എന്ന തീർത്ഥാടകൻ കുഴഞ്ഞ് വീണ് മരിച്ചു. ഹൃദയാഘാതമാണ് മരണകാരണമെന്ന് കരുതുന്നു. ഇതോടെ ഈ സീസണിൽ മരിച്ചവരുടെ എണ്ണം ഒൻപതായി ഉയർന്നു. വൈകിട്ട് 6.30ന് ദീപാരാധനയും, 9.30ന് അത്താഴം പൂജയും നടക്കും. തുടർന്ന് 10.50ന് ഹരിവരാസനം പാടി നട അടയ്ക്കും.

കൂത്തുപറമ്പിൽ വയോധികയുടെ മാല പൊട്ടിച്ച കേസിൽ സി.പി.ഐ.എം കൗൺസിലർ അറസ്റ്റിൽ

Story Highlights: Four dolly workers arrested in Sabarimala for overcharging pilgrims

ശബരിമല സ്വര്ണക്കൊള്ള: ഉണ്ണികൃഷ്ണന് പോറ്റിയുമായി എസ് ഐ ടി ചെന്നൈയിലെത്തി പരിശോധന നടത്തി