കൊല്ലം◾: കൊല്ലം അഞ്ചൽ കോട്ടുക്കൽ മഞ്ഞിപ്പുഴ ശ്രീ ഭഗവതി ഭദ്രകാളി ക്ഷേത്രത്തിലെ ഉത്സവത്തിനിടെ വിവാദമായ ആർഎസ്എസ് ഗണഗീതവുമായി ബന്ധപ്പെട്ട് കേസെടുത്തിരിക്കുന്നു. നാഗർകോവിൽ നൈറ്റ് ബേർഡ്സ് ഓർക്കസ്ട്രയിലെ ഗായകരെ ഒന്നാം പ്രതിയാക്കിയാണ് കടയ്ക്കൽ പോലീസ് കേസെടുത്തത്. ക്ഷേത്ര ഉപദേശക സമിതി, ഉത്സവ ആഘോഷ കമ്മിറ്റി എന്നിവരെയും കേസിൽ പ്രതി ചേർത്തിട്ടുണ്ട്.
കോട്ടുക്കൽ സ്വദേശി പ്രവീണിന്റെ പരാതിയിലാണ് കേസെടുത്തത്. ശനിയാഴ്ച രാത്രി നടന്ന ഗാനമേളയിലാണ് വിവാദ ഗണഗീതം ആലപിച്ചത്. തിരുവിതാംകൂർ ദേവസ്വം ബോർഡിന് കീഴിലാണ് ഈ ക്ഷേത്രം.
ക്ഷേത്ര ഉത്സവത്തിനിടെ ആർഎസ്എസ് ഗണഗീതം ആലപിച്ച സംഭവത്തിൽ ശക്തമായ നടപടി സ്വീകരിക്കുമെന്ന് ദേവസ്വം ബോർഡ് പ്രസിഡന്റ് പി എസ് പ്രശാന്ത് വ്യക്തമാക്കി. ഉപദേശക സമിതി പിരിച്ചുവിടുന്നതുൾപ്പെടെയുള്ള നടപടികൾ സ്വീകരിക്കുമെന്നും അദ്ദേഹം അറിയിച്ചു. ദേവസ്വം ബോർഡ് അസിസ്റ്റന്റ് കമ്മീഷണറോട് റിപ്പോർട്ട് തേടിയിട്ടുണ്ടെന്നും അദ്ദേഹം പറഞ്ഞു.
ആളുകളുടെ ആവശ്യപ്രകാരമാണ് ഗണഗീതം ആലപിച്ചതെന്നാണ് ഗാനമേള ട്രൂപ്പിലെ അംഗങ്ങളുടെ വിശദീകരണം. കോട്ടുക്കലിലെ ടീം ഛത്രപതി എന്ന സംഘമാണ് ഗാനമേള സ്പോൺസർ ചെയ്തത്. ദേശഭക്തിഗാനമാണ് പാടിയതെന്നും മറ്റൊരു സംഭവവും ഉണ്ടായിട്ടില്ലെന്നും ക്ഷേത്ര ഉപദേശക സമിതി അവകാശപ്പെടുന്നു.
Story Highlights: A case has been filed against a Ganamela troupe for singing an RSS song during a temple festival in Kollam, Kerala.
വന്ദേഭാരത് എക്സ്പ്രസ് ഉദ്ഘാടനത്തിനിടെ വിദ്യാർത്ഥികൾ ആർഎസ്എസ് ഗണഗീതം ആലപിച്ച സംഭവത്തിൽ പൊതുവിദ്യാഭ്യാസ മന്ത്രി Read more
കൊട്ടാരക്കര കോട്ടുക്കൽ ക്ഷേത്രത്തിൽ ആർഎസ്എസ് ഗണഗീതം ആലപിച്ച സംഭവത്തിൽ ദേവസ്വം ബോർഡ് നടപടിയെടുക്കും. Read more
