Kalady College Student Photos Shared in Obscene FB Groups

കാലടി ശങ്കരാ കോളജിലെ വിദ്യാർത്ഥിനികളുടെ ചിത്രങ്ങൾ ഫേസ്ബുക്കിലെ അശ്ലീല ഗ്രൂപ്പുകളിൽ പ്രചരിപ്പിച്ച സംഭവത്തിൽ പ്രതി രോഹിത്തിനെ കാലടി പോലീസ് വീണ്ടും കസ്റ്റഡിയിലെടുത്തു. പ്രായപൂർത്തിയാകാത്ത പെൺകുട്ടിയുടെ ചിത്രം ഗ്രൂപ്പുകളിൽ പ്രചരിപ്പിച്ചെന്ന പുതിയ പരാതിയുടെ അടിസ്ഥാനത്തിലാണ് നടപടി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

നേരത്തെ സ്റ്റേഷൻ ജാമ്യത്തിൽ വിട്ടയച്ചിരുന്ന രോഹിത്തിനെതിരെ ഇപ്പോൾ ഗൗരവസ്വഭാവമുള്ള കേസുകൾ ചുമത്തിയേക്കും. നിയമസഭയിൽ പ്രതിപക്ഷം ഉയർത്തിയ പ്രതിഷേധത്തിന്റെ പശ്ചാത്തലത്തിലാണ് പുതിയ കേസിലെ പോലീസ് നടപടി.

ഇരുപതോളം വിദ്യാർഥികളുടെ ചിത്രങ്ങളാണ് രോഹിത് നേരത്തെ അശ്ലീല ഫേസ്ബുക്ക് ഗ്രൂപ്പുകളിൽ പങ്കുവെച്ചത്. ഒരു വിദ്യാർത്ഥിനിയുടെ പരാതിയിൽ രോഹിത്തിനെ അറസ്റ്റ് ചെയ്ത് സ്റ്റേഷൻ ജാമ്യം നൽകി വിട്ടയച്ചിരുന്നു.

മോശം അടിക്കുറിപ്പുകളോടെ വിദ്യാർത്ഥിനികളുടെ ചിത്രങ്ങൾ അശ്ലീല ഗ്രൂപ്പുകളിൽ പങ്കുവെച്ചെന്നായിരുന്നു പരാതി. നിലവിൽ കാലടി സർവകലാശാല വിദ്യാർത്ഥിയല്ലാത്ത രോഹിത്തിനെതിരെ കൂടുതൽ നടപടികൾ ഉണ്ടായേക്കും.

വിദ്യാർത്ഥിനികളുടെ ചിത്രങ്ങൾ ദുരുപയോഗം ചെയ്ത സംഭവം വലിയ വിവാദമായി മാറിയിരിക്കുകയാണ്.

സ്വദേശാഭിമാനി രാമൃഷ്ണ പിള്ള ഓർമ്മയായിട്ട് 109 വർഷം

സൈബർ തട്ടിപ്പിനിരയായി വൃദ്ധ ദമ്പതികൾ ആത്മഹത്യ ചെയ്തു