Robotic search for missing worker in Thiruvananthapuram canal ends

തിരുവനന്തപുരം തമ്പാനൂർ റെയിൽവേ സ്റ്റേഷന് സമീപത്തെ ആമയിഴഞ്ചാൻ തോട് വൃത്തിയാക്കാനിറങ്ങി കാണാതായ മാരായമുട്ടം സ്വദേശി ജോയിക്കായുള്ള തിരച്ചിലിൽ റോബോട്ടിക് സാങ്കേതിക വിദ്യയുടെ പ്രവർത്തനം അവസാനിപ്പിച്ചു. ജെൻ റോബോട്ടിക്സ് CEO വിമൽ അറിയിച്ചതനുസരിച്ച്, പ്രധാന ടണലിന്റെ പ്രവേശന മുഖത്തുനിന്ന് 65 മീറ്റർ അകത്തേക്ക് തിരച്ചിൽ നടത്താൻ കഴിഞ്ഞു. എന്നാൽ, ക്യാമറയുടെ വിസിബിളിറ്റി നഷ്ടപ്പെട്ടതായും അദ്ദേഹം വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

റോബോട്ടിക് യന്ത്രത്തിന്റെ ക്യാമറയിൽ മനുഷ്യശരീരം എന്ന് തോന്നിപ്പിക്കുന്ന ഒരു ഭാഗം പതിഞ്ഞിരുന്നെങ്കിലും, സ്കൂബ ടീം എത്തുന്നതിന് മുമ്പ് അത് ഒഴുകിപ്പോയതായി വിമൽ പറഞ്ഞു. എന്നിരുന്നാലും, ക്യാമറയിൽ കണ്ടത് മനുഷ്യശരീരമല്ല, മറിച്ച് മാലിന്യമാണെന്ന് സ്കൂബാ ടീം സ്ഥിരീകരിച്ചു. പത്തു മീറ്റർ ഉള്ളിലായാണ് ഈ ദൃശ്യങ്ങൾ പതിഞ്ഞത്.

രണ്ടാം ദിവസവും തിരച്ചിൽ ഊർജിതമായി തുടരുകയാണ്. എൻഡിആർഎഫിന്റെ നേതൃത്വത്തിലാണ് നിലവിൽ തിരച്ചിൽ പുരോഗമിക്കുന്നത്. ഫയർഫോഴ്സിന്റെ 12 അംഗ സ്കൂബ ഡൈവിംഗ് സംഘവും തിരച്ചിലിൽ പങ്കെടുക്കുന്നുണ്ട്.

കോഴിക്കോട് എംപ്ലോയ്മെന്റ് എക്സ്ചേഞ്ചിൽ നാളെ ജോബ് ഡ്രൈവ്

വൈകിട്ടോടെ നേവിയുടെ സംഘവും എത്തുമെന്ന് പ്രതീക്ഷിക്കുന്നു. മാലിന്യം അടഞ്ഞുകൂടി കിടക്കുന്നതിനാൽ മാൻഹോൾ വഴിയുള്ള രക്ഷാപ്രവർത്തനം നേരത്തെ നിർത്തിയിരുന്നു.

വിതുരയിൽ ഗ്ലാസ് കട നടത്തുന്നയാളുടെ വീട് ജപ്തി ചെയ്തു; ദുരിതത്തിലായി കുടുംബം