Cyber Attack Against Rini Ann George: DGP Orders Strict Action

കൊച്ചി◾: നടി റിനി ആൻ ജോർജിനെതിരെ സാമൂഹ്യമാധ്യമങ്ങളിൽ നടന്ന അധിക്ഷേപത്തിൽ കർശന നടപടിയെടുക്കാൻ ഡി.ജി.പി നിർദ്ദേശം നൽകി. പരാതിയിൽ പറയുന്ന വ്യക്തികൾക്കെതിരെ പ്രത്യേകമായി കേസ് രജിസ്റ്റർ ചെയ്യാനാണ് പൊലീസിന്റെ തീരുമാനം. രാഹുൽ മാങ്കുട്ടത്തിലിനെതിരെ വെളിപ്പെടുത്തൽ നടത്തിയതിന് പിന്നാലെ റിനിക്കെതിരെ സൈബർ ആക്രമണം ശക്തമായിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

യുവ നേതാവിനെതിരായ ആരോപണങ്ങൾക്ക് പിന്നാലെ തനിക്കെതിരെ നടക്കുന്ന സൈബർ ആക്രമണങ്ങൾക്കെതിരെ റിനി ആൻ ജോർജ് മുഖ്യമന്ത്രിക്ക് പരാതി നൽകിയിരുന്നു. ഇതിനു പിന്നാലെയാണ് പോലീസ് നടപടി കടുപ്പിക്കുന്നത്. അപകീർത്തികരമായ പ്രചാരണം നടത്തി മോശക്കാരിയായി ചിത്രീകരിക്കാൻ ശ്രമിക്കുന്നു എന്നാണ് റിനി പരാതിയിൽ ഉന്നയിച്ചിരിക്കുന്നത്. വിവിധ ഓൺലൈൻ ചാനലുകളുടെ ലിങ്കുകളും ഇതിനോടൊപ്പം നൽകിയിട്ടുണ്ട്.

റിനി ആൻ ജോർജിന്റെ പരാതിയിൽ രാഹുൽ ഈശ്വർ, ഷാജൻ സ്കറിയ, ക്രൈം നന്ദകുമാർ എന്നിവർക്കെതിരെ കേസ് എടുക്കാൻ സാധ്യതയുണ്ട്. ജാമ്യമില്ലാ വകുപ്പ് അടക്കം ചുമത്താവുന്ന കുറ്റം പരാതിയിൽ ഉണ്ടെന്ന് പൊലീസ് വ്യക്തമാക്കി. കേസ് എവിടെ രജിസ്റ്റർ ചെയ്യും എന്ന കാര്യത്തിൽ തീരുമാനമായിട്ടില്ല.

റിനിക്കെതിരെ നേരിട്ട് ആക്രമണം നടത്തുന്നവരെ മാത്രമല്ല, ഇതിന് പിന്നിൽ പ്രവർത്തിക്കുന്നവരെയും കണ്ടെത്തണമെന്ന് അവർ ആവശ്യപ്പെട്ടു. തന്നെ മാത്രം അല്ല തന്റെ പുരുഷ സുഹൃത്തുക്കളുടെ സ്വകാര്യതയെയും ഇത് ബാധിക്കുന്നുണ്ടെന്നും റിനി പരാതിയിൽ പറയുന്നു.

താമരശ്ശേരിയിൽ വീണ്ടും എംഡിഎംഎ വേട്ട; 81 ഗ്രാം ലഹരിമരുന്നുമായി യുവാവ് പിടിയിൽ

മുഖ്യമന്ത്രിക്കു പുറമേ എറണാകുളം റൂറൽ എസ്പി, മുനമ്പം ഡിവൈഎസ്പി എന്നിവർക്കും റിനി പരാതി നൽകിയിട്ടുണ്ട്. തന്നെ മോശമായി ചിത്രീകരിക്കുന്നതിനായി അപകീർത്തികരമായ പ്രചാരണം നടത്താൻ ശ്രമിക്കുന്നുവെന്ന് റിനി ആരോപിച്ചു. പൊള്ളേണ്ടവർക്ക് പൊള്ളി എന്നും അതാണ് തനിക്കെതിരെ നടക്കുന്ന പെയ്ഡ് സൈബർ ആക്രമണത്തിനു പിന്നിൽ എന്ന് റിനി ആൻ ജോർജ് പറഞ്ഞു.

അതേസമയം, നടിക്കെതിരായ സൈബർ ആക്രമണ കേസിൽ ആരോപണവിധേയരായവർക്കെതിരെ ശക്തമായ നടപടി സ്വീകരിക്കാൻ പോലീസ് തയ്യാറെടുക്കുകയാണ്. കേസിൽ ജാമ്യമില്ലാ വകുപ്പുകൾ ചുമത്താൻ സാധ്യതയുണ്ടെന്ന് പോലീസ് അറിയിച്ചു. സംഭവത്തിൽ പോലീസ് അന്വേഷണം പുരോഗമിക്കുകയാണ്.

Story Highlights : Cyber attack against actress Rini Ann George; DGP orders strict action on complaint

കിളിമാനൂരിൽ വയോധികനെ ഇടിച്ചുകൊന്നത് പൊലീസ് ഉദ്യോഗസ്ഥൻ; എസ്എച്ച്ഒയുടെ കാർ കസ്റ്റഡിയിൽ